David Kramer sê nee dankie vir toekenning oor Steve ook optree

David Kramer en Steve Hofmeyr (Foto's: Afternoon Express/Facebook)

David Kramer en Steve Hofmeyr (Foto’s: Afternoon Express/Facebook)

Die sanger David Kramer het onlangs ʼn toekenning vir sy lewenslange bydrae tot Afrikaanse musiek van die hand gewys nadat hy gehoor het dat hy die verhoog met Steve Hofmeyr tydens dié spoggeleentheid sou deel.

Kramer sou met dié toekenning vereer word tydens ʼn private geleentheid op die Rust en Vrede-wynlandgoed tussen Somerset-Wes en Stellenbosch in die Wes-Kaap.

Volgens Netwerk24 het die sanger ook nie na afloop van die geleentheid sy toekenning afgehaal nie.

Hofmeyr het in ʼn onderhoud met Maroela Media gesê hy is bewus van die kritiek teen hom.

“Ek deel weekliks al vir 30 jaar verhoë met mense wie se opinies, geloofs- en seksuele voorkeure erg verskil, en het nog nooit ʼn manier gesoek om dit te onderdruk nie. Hierdie verdraagsaamheid het ek by my liberale helde geleer,” het hy gesê.

Volgens die sanger het hy en Kramer “nou die dag nog” ʼn verhoog en kleedkamer gedeel. “Ek sal tot ek sterf my grondwetlike reg op assosiasie en internasionale reg op selfbeskikking eis. Daar is niks rassisties of haatlik daaraan nie.”

Hofmeyr sê verder dit is jammer dat die konsert, wat bedoel was om positief te wees, nou deur ʼn onaangenaamheid versuur is. “Hierdie mense ken my al lank. Hulle is huigelaars want hulle weet dat ek geensins rassisties is nie. Het iemand genoem hoeveel miljoene ons daardie aand ingesamel het vir behoeftiges?

“Ek daag hulle, die linkses en demokrate, vir debat waarin hulle ons kan oortuig dat behoudendes soos ek nie ʼn regverdige inkomste of podium mag verdien nie. Intussen gun ek hulle hul loopbane, opinies en inkomste.”

Kramer wou nie kommentaar lewer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

104 Kommentare

jongste oudste gewildste
Jollie

Dis nou baie kinderagtig, maar hy het sy keuse gemaak, hy moet maar die toekenning in die pos gaan haal. Dit is mos nie die organiseerders se fout nie, as hy werklik so sterk daaroor voel, verdien hy om by die huis te sit as ander vereer word. As jy nou werklik nie ander hulle eie politieke siening gun nie, is jy die kortsigtige een, ek het nog nooit geweet wat David se politieke oortuigings is nie, sou nie weet hy neem aanstoot oor enigiets nie? Neewat .. regtig aandagsoekerig .. gaan hom nie mis by die geleentheid nie …

Bella Bok

So David Kramer is vinnig om ‘n hele storie hiervan te maak. Wanneer hy egter vir kommentaar genader word, is hy skielik stil…

Hennie

Ek het nog altyd van David gehou maar as dit sy houding is, kan hy maar gerus by die huis bly!

Petro

Wie de hel dink David Kramer is hy Steve is seker geregtig op sy opinie maar omdat hy vir die blankes opstaan word hy veroordeel totsiens sal nie weer na jou musiek luister nie you go Steve

BOLANDER

Steve, jy het niks om oor sleg te voel nie. Hou aan met wat jy doen.