Dawie Roodt-aanval: ‘Misdaad in Suid-Afrika is buite beheer’

Dawie Roodt. Foto: Efficient Group

Dawie Roodt. Foto: Efficient Group

Die burgerregte-organisasie AfriForum en die vakbond Solidariteit het die aanval op die bekende ekonoom Dawie Roodt en sy gesin ten sterkste veroordeel.

Maroela Media het vroeër berig Roodt (54), hoofekonoom van die Efficient Group en bekende TV-aanbieder, word in die waakeenheid van die Pretoria-Oos-hospitaal behandel nadat hy Donderdagaand deur gewapende rowers oorval en aangerand is.

“As Suid-Afrikaner is jy nêrens meer veilig nie, nie eers in veiligheidskomplekse nie. Misdaad is besig om ons land te verlam, dit is buite beheer,” het Ian Cameron, AfriForum se hoof van gemeenskapsveiligheid, gesê.

Dirk Hermann, bestuurshoof van Solidariteit, het Roodt spoedige beterskap en die gesin namens die hele Solidariteit Beweging sterkte toegewens.

“Hierdie soort gebeure het ongelukkig ʼn alledaagse verskynsel in Suid-Afrika geword. Vyf mense is die afgelope 24 uur in rooftogte vermoor. Ons is net dankbaar dat die Roodt-gesin gespaar gebly het,” het Hermann gesê.

“Ongelukkig kan ons nie meer daarop staatmaak dat die staat sy plig om landsburgers te beveilig en misdaad effektief te beveg, sal en kan nakom nie. Daarom doen ons ʼn beroep op gemeenskappe om self verantwoordelikheid te begin neem en by gemeenskapsbeveiligingsprojekte betrokke te raak.”

Lees alle berigte oor Dawie Roodt op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Leonie

Beter om die Wet in ons eie hande te neem want ons Regering beskerm die krimineel. Polisiering sal ook werk maar hulle het meer ‘n tekort aan voertuie as iets anders en hulle het ‘n “no care attitude”. Verander die “vrot-kolle” in die Polisie en Mero Polisie dan sal misdaad afneem. Ongelukkig sal dit seker nie in SA gebeur nie want die lot op die boonste stoele is net so useless!

alta acker

Dis so jammer om te hoor, Dawie ek bid dat jy spoedig gesond sal word, misdaad in SA word net meer en meer, die polisie weet nie hoe om die landsburgers te beveilig nie, want hoekom? Hulle is nie reg opgelei nie, die amptenare in die polisie verdien net n salaris wat ek en jy betaal, dis nie n passie om jou land en sy mense tedien en te beveilig nie!!! Dis net n werk, gaan kyk wat in polisie stasies aaangaan, 90% van hulle is arogant, kan nie spel of skryf nie, hoekom? hulle beskik nie die kwalifikasies of… Lees meer »

Ampie

Ek bly baie naby aan Dawie. Ons het gisteraand beurtkrag gehad van 20h00 tot 22h00. Alle krag is dan af en so ook veiligheisheinings in ons komplekse. Ek glo hierdie aanval kan direk aan beurtkrag gekoppel word.

Harry

Baie sterkte aan Dawie. Nou keel skoon maak….. op ‘n ander nuues berig lees ek dat hulle in ‘n veiligheids kompleks bly. Ek het die al van tevore gese en se dit weer: Mense wat in die komplekse bly het ‘n valse gevoel van sekuriteit. Ek het familie wat ook in sulke plekke woon en dit is skokkend, hekke word nie gesluit nie, geen diefwering nie, alarm word nie geaktiveer nie ens. In baie gevalle huur die kriminele huise in die komplekse en word dan nie aan die sekuriteit bloot gestel nie, en het dan ‘n plek ook om gesteelde… Lees meer »

Marietjie

Ons moet kragopwekkers kry om ons veilig te hou beurtkrag toegepas word.