DBV-personeel ontslaan ná hulle gans keelaf sny

Die video wys hoe een van die lede die gans se nek met ʼn groot mes morsaf sny, terwyl ʼn ander lid die dier op die bakkie se bak vasdruk (Foto: Skermgreep)

ʼn Video van drie personeellede van die Dierebeskermingsvereniging (DBV) in Oos-Londen wat ʼn gans se nek met ʼn mes afsny, het groot ontsteltenis op sosiale media veroorsaak. Dié lede is intussen ontslaan.

In die video staan drie persone, geklee in Oos-Londense DBV-uniforms, by ʼn bakkie. Die video wys hoe een van die lede die gans se nek met ʼn groot mes morsaf sny, terwyl ʼn ander lid die dier op die bakkie se bak vasdruk.

Die gans spartel soos hy uit die lid se greep probeer loskom.

Die Nasionale Dierebeskermingsvereniging (NDBV) het Maandag in ʼn verklaring bevestig dat die drie lede tydens ʼn tugverhoor met onmiddellike effek ontslaan is.

Die NDBV het ook ʼn saak van dieremishandeling teen die lede aanhangig gemaak.

Die NDBV sê die DBV in Oos-Londen word tans deur die NDBV bestuur en dié tak gebruik intussen die NDBV se hulpbronne totdat ʼn nuwe komitee saamgestel word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Genis

Liewe land! Dis totaal onaanvaarbaar…

Tipper

Maroela ek hoop ons weet wie die name is,dan kan ons op Facebook sien hoe lyk die manne.

Misky

Kan julle nie meer oor die gebeure bekend maak nie? Hoekom het hulle dit dan gedoen? Gewoonlik is BDV werkers juis lief vir diere en red hulle uit haaglike omstandighede. Hoekom sal hulle nou sommer net die gans se kop afkap vir geen rede nie

Leana

Dit is sulke mense wat my in die lelikste tale op aarde laat praat. Ek hoop regtig dat julle nooit weer ‘n werk kry nie en kripeer van elende, mens maak nie net ‘n dier dood oor dit vir jou lekker is nie en as dit regtig nodig was om dit te doen kon julle regtig aan ‘n beter manier geding het. Mag julle stik in jul eie …

Pieter

Dit is hoekom ek nie meer geld vir hulle gee nie. Gee my geld nou vir wetnose ek stop baie daar die diere se hokke is mooi skoon en daar is altyd kos en water in hulle bakke.