Argieffoto (Foto: designerpoint, Pixabay)
Die Anglo-American-diamantreus De Beers het Maandag gesê hy het begin om 200 olifante oor 1 500 km te skuif van sy Venetia Limpopo-natuurreservaat (VLNR) in Suid-Afrika na Mosambiek.
Die operasie, een van die grootste verplasings van olifante ooit in Suid-Afrika, is deel van ʼn groot bewaringsinisiatief om natuurlewe in Suid-Afrika te beskerm en Mosambiek se olifantbevolking te herstel, het die groep op sy webwerf gesê.
Tydens die eerste fase van die projek sal tot 60 olifante in Julie en Augustus van die VLNR na Zinave- nasionale park in sentraal Mosambiek geskuif word. Die oorblywende olifante sal vanaf volgende jaar na bewaringsgebiede geskuif word waar daar voldoende kapasiteit is.
Die De Beers-groep werk saam met die Peace Parks Foundation, ʼn niewinsgewende organisasie wat fokus op die bewaring van oorgrens-ekostelsels, om die inisiatief uit te voer.
Danksy formele ooreenkomste met Mosambiek se Nasionale Administrasie vir Bewaringsgebiede bestuur die Peace Parks Foundation Zinave- nasionale park, ʼn integrale komponent van die Groter Limpopo oorgrensbewaringsgebied.
Peace Parks sal die De Beers-groep met die oorplasing help om seker te maak die sosiale groepe word nie versteur nie en dat hulle in die nuwe habitat sal aanpas deur voortgesette monitering van hul welstand en gevorderde bewaringspogings.
Die VLNR, oor 32 000 hektaar en gestig in die vroeë 1990’s, kan ongeveer 60 olifante huisves sonder ʼn nadelige impak op die omliggende ekostelsel. Daar is egter meer as 270 olifante op die reservaat, as gevolg van natuurlike aanwas en hul teenwoordigheid kan omvattende skade aanrig tot ʼn ekostelsel wat ʼn diverse natuurbevolking moet huisves. Getalle in die Zinave- nasionale park, wat in die 1960’s gestig is, het egter kritiek afgeneem ná Mosambiek se 15 jaar lange burgeroorlog. Die park het ʼn groot kapasiteit oor 408 000 hektaar en huisves tans slegs ongeveer 60 olifante.
De Beers verskaf ook $500 000 aan die Peace Parks Foundation oor vyf jaar vir teenstropingsmaatreëls, insluitend die aanstel van nuwe natuurbewaarders en nuwe toegangspaaie om patrollies te verhoog.
Ons moet nou seker begin wonder hoe lank dit sal neem voor die diere almal ge-pouch is en die volgende olifante geskuif kan word. Hierdie oorgrens park is ‘n euwel wat ons wilde diere nog almal gaan uitwis. Hoekom word dit voortdurend gedoen? Wie vind baat by hierdie verskuiwings?
Vra dit vir minister Edna Molewa.
De Beers doen so iets net tot hul eie voordeel. Hulle begin voorsiening maak vir die ontwikkeling in die gebied wat beplan word. Dit moet net nog amptelik bekend gemaak word.
Sal nogal ‘n groot pouch moet wees om almal daar in te kry …
dis n mooi plan maar ek het nie baie hoop vir die plan nie. soos hulle daar aankom word hulle gestroop. kyk maar wat gebeur tussen krugerpark en mosambiek.
Net ‘n week later terug in Kruger.
Regtig?! Ek glo nie vir een oomlik dat die olifante veiliger in Mosambiek as in Suid-Afrika gaan wees nie…….
Arme olifante! Wat n sotlike plan.
Se ek ook…ligloop vir die natuurbewaarders…
Mosambiek: Vir spys en drank sê ons u dank…
FEIT: Daar is te veel olifante.
FEIT : Die olifante vernietig die natuur.
Feit : niemand wat kommentaar gelewer het enige oplossing vir die probleem nie.
Stop. Dink. Die is n baie goeie oplossing vir ‘n probleem.
Wat is die oplossing vir die probleem? Kom ons maak al die olifante dood? Hoekom gebruik julle nie dieselfde vir die AANWAS van mense wat te veel is nie? Lyk asof jy wonderlike planne het vir oorbevolking.
DeBeers is besig om te trek voor di ANC di grond vat en plakkershutte da oprig
270 olifante in n gebied groot genoeg vir 60. Dan is die diereliefhebbers vies omdat 200 geskuif word? Hulle gaan seker lekkkerder slaap as hele troppe uitgeskiet word totdat 60 oorbly.
Rol. Jy is doodreg. Net soos renosters is dit altyd die lande wat geen renosters het nie wat die grootste geraas maak. En voorskryf aan die lande wat het wat om te doen. Probeer gerus olifante weg gee aan groot natuur gebiede. Niemand stel belang nie.
Selfde gedink. Maar ja, daar moet ook seker maar die “eternal optimists” wees al bewys geskiedenis en gebeure hulle telke male verkeerd.
Pateties verby… maar by gese, daar is seker al meer Mosambiekers hier as daar
Net nog iemand wat geld onder tafel deur gekry het vir die aksie. En hoe lank voor hul almal weer uitgeskiet is???? Niks goed aan die verskuiwing nie!!!
12 Doemprofete…..geen wonder ons land is wat dit is nie. Bietjie geloof kan dalk beter werk….
As jy in n muur vas loop stamp jy jou neus. Net dwase loop weer in daai muur vas.
They will be DEAD BEFORE DAWN . skuif of verkoop? Lekker geld gemaak ne? Daardie olifante gaan NIE Kersfees sien nie . geen doemprofeet hoef dit te voorspel nie . kyk maar net na die daaglikse gebeure daar. RIP olifante.
‘n Voormalige wilbewaarder in die Kruger wildtuin het aan my vertel hoe dat nadat die oorgrens park gestig is, ‘n hele kudde olifante aan die Mosambiekse kant met groot moeite hervestig is. Die olifante het afgekom op die beendere van olifante wat destyds deur wildstropers doodgemaak is en het net daar omgedraai en het inderhaas weswaarts koers gevat, terug na die Kruger Wildtuin toe.
Feit bly staan daar is te veel olifante dit sal goedkoper wees om hulle hier te skiet en die tande oor te stuur maar dis nie wettig nie . Mens sal seker maar moet kies tussen olifante of die res van die eco sisteem want as hulle bly waar hulle is en alles verwoes het vrek hulle een van die dae van die honger miskien kan een van die slimmes die olifante gaan leer om ‘n boom optevreet voor jy nog een breek
Arme diere moet altyd plek maak vir mammon en mense wat mammon hul god maak!!
baie jare trug was die probleem beheer deur olifante te skiet deur natuurbewaring as hulle te veel raak en die vlies was beberk en vel en tande verkoop mense gaan kwaad wees maar ek se as dit ordelik gedeon word en die geld wat daar deur verkry is trug gaan om die natuur te beskerm dit beteking die na tuurvir hom self