De Klerk-naamsverandering gaan voort

FW de Klerk. Foto: FW de Klerk-stigting/Facebook

FW de Klerk. Foto: FW de Klerk-stigting/Facebook

Patricia de Lille, Kaapstad se burgemeester, se kantoor het Maandag gesê die voorstel om Tafelbaairylaan na FW de Klerk-rylaan te hernoem, gaan voort.

“Ons het op 28 Januarie ʼn raadsvergadering, en as die stadsraad die voorstel goedkeur, sal die straat hernoem word,” het Pierrinne Leukes, die burgemeester se woordvoerder, gesê.

Raadslid Brett Herron het Woensdag in ʼn verklaring gesê die voorstel voldoen aan die stad se benamingsbeleid wat bepaal dat burgers van Kaapstad en Suid-Afrika in hul leeftyd oorweeg kan word, indien hulle internasionale erkenning van die hoogste soort ontvang het.

Herron het gesê die voormalige president voldoen aan dié vereiste. De Klerk (79) was van September 1989 tot Mei 1994 president van Suid-Afrika. Hy het in 1993 saam met oudpresident Nelson Mandela die Nobelprys vir Vrede ontvang vir hul bydraes tot die beëindiging van apartheid.

Volgens Herron het De Klerk gesê hy is ten gunste van die idee, solank die straat wat na hom vernoem word, tans ʼn neutrale naam het. Herron het gesê die finale besluit rus egter by die stadsraad. “Inwoners, rolspelers, belanghebbendes en gemeenskapsorganisasies het die geleentheid gekry om hul siening daaroor te gee.”

Die ANC en Congress of SA Trade Unions (Cosatu) het reeds kapsie teen die naamsverandering gemaak.

Volgens die voorstel is dit gunstig vir die stad om De Klerk se rol in die oorgang na ‘n nuwe bedeling in Suid-Afrika te erken.

Klik hier vir vorige berigte oor die aangeleentheid.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
Hanno

Weggee de Griek-rylaan.

Tammy

NEE, Niks vir hom nie, asseblief. Hy verdien nie die eer om vernoem te word nie. Stem saam met Hanno!!

Jan

Alle nuwe straatname word deesdae na skelms en terroriste vernoem, is seker hoekom Freekie geeerd voel !

Eish!

Ek wonder in wie se guns wil Kaapstad nou kom? Die blankes soek dit nie, die ANC soek dit nie……….nog niemand positief daaroor hoor praat nie. Onder niemand nie, ni wit, ni swart of bruin nie. Nou wat de joos is Kaapstad se motief met dit?

PIETER BRIEL

Analysis of and commentary on South African politics from a liberal perspective. Winner: Best Political Blog 2012. FW De Klerk: the ultimate ‘joiner’ by The Editor ARTICLE: One from the archives – a look at the many political positions former President FW de Klerk adopted during his political career, as captured by five key comments. Together with the ANC, in opposition to the ANC, for the ANC, against the ANC, de Klerk has done it all. It’s a muddled historical record, but one worth noting if only to provide some context, the next time he speaks from a position of… Lees meer »