De Lille terug in burgemeesterspos

Patricia de Lille. (Foto: Patricia de Lille / Facebook)

Patricia de Lille is Dinsdag weer in haar pos as burgemeester van Kaapstad aangestel nadat sy ʼn dringende aansoek teen die politieke party in die hooggeregshof in Kaapstad gewen het.

Die hof het beslis hoewel De Lille weer in haar pos as burgemeester aangestel moet word en sy weer ʼn amptelike lid van die DA is, moet sy steeds tereg staan op die dissiplinêre klagtes wat die DA-leierskap teen haar gebring het.

De Lille het haar tot die hof gewend nadat die DA se federale uitvoerende komitee haar vroeër van haar DA-lidmaatskap gestroop het, wat dus wesenlik beteken dat sy ook haar burgemeesterspos kwyt was. Ian Neilson, die onderburgemeester, is daarna as waarnemende burgemeester van Kaapstad aangestel.

De Lille het egter aangevoer dat haar menseregte en haar grondwetlike regte met die DA se optrede vertrap is. Sy het die dringende aansoek oor haar amp as burgemeester gebring om te versoek dat die hof beslis dat sy haar amp mag behou totdat die regsgeding rakende die geldigheid van haar ampsontheffing aangehoor word.

Regter Patrick Gamble het vroeër gesê gedeelte B van De Lille se aansoek – wat die grondwetlike geldigheid van die beëindigingsklousule betwis – sal op 25 Mei deur ʼn volbank regters van die hooggeregshof aangehoor word.

De Lille het ná die uitspraak haar ondersteuners bedank en gesê die geveg gaan nie oor haar nie, maar oor die mense van Kaapstad.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Eish

Eish! Hoe spat die rooi nou so op die blou!
Allemintige bloedneus vir die Demografiese Alliansie né!

snoefie

they dont call her Die Hard for nossing.
trap hulle ta patty! looi hulle! mag jy in die volgende rondte ook met die louere wegloop.

ontnugter

Ek is baie bly. Sy is n ystervrou wat nie gaan le nie.

Zollie

Ouens SA het nog ‘n nuwe krieketspeler. Niemand kan haar uitboul nie.

rollie

Sy moet haar laaste 10 dae geniet.