Debat oor plaasaanvalle dán in parlement

Een van die baniere wat op die voertuie geplak was (Foto: Verskaf)

Die langverwagte parlementêre debat oor die voorkoms, aard en bekamping van plaasmoorde gaan op Dinsdag 1 September om 14:00 in die Nasionale Vergadering plaasvind.

Die parlementêre programkomitee het Donderdagoggend op sy weeklikse vergadering besluit dat die debat Dinsdag sal plaasvind.

Die debat is aangevra deur die DA-LP Dianne Kohler Barnard en sal deur haar ingelei word.

Nog ʼn langverwagte proses wat eersdaags hervat word, is die openbare insette aan die ad hoc-komitee oor die wysiging van art. 25 van die Grondwet om onteiening sonder vergoeding te vergemaklik.

Die proses het in Maart met die instel van algehele afsondering weens Covid-19 tot stilstand gekom, met die openbare inset-vergaderings in die Oos-Kaap en die Wes-Kaap nog uitstaande.

Nou het die komitee egter besluit om ʼn hibriede model te aanvaar met sowel fisieke vergaderings as aanlyn vergaderings. Die presiese werkwyse word nog uitgewerk.

Daardie komitee se mandaat verval op 31 Desember.

Nog ʼn parlementêre proses wat sloer is die aanstel van die nuwe ouditeur-generaal in die plek van Kimi Makwetu. Hoewel die onderhoude afgehandel is, is die oponthoud die sekerheidsklaring van die kandidate op die kortlys deur die Staatsekerheidsagentskap (SSA).

Die spertyd vir die aanstelling is met ʼn maand verleng tot 30 September, en die LP’s het die SSA gemaan om op te hou sloer.

Daar dien tans 24 wetsontwerpe voor die Nasionale Vergadering se komitees en die meeste vorder goed, maar daar is oponthoud in die portefeuljekomitee oor justisie se hantering van wetgewing weens die dood vandeesweek van een van die komitee se knapste en vooraanstaande lede, adv. Hishaam Mohamed van die ANC.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Chris

Meeste van die anc kiesers dink nog steeds die kos kom van pick a pay af ,en dat die boer net groot grond het en vir homself groente plant

Nozi

DA-LP’s trek maar jul bullet proof jackets aan, ons sal solank die popcorn en coke regkry vir hierdie comedy wat oppad is. Waar die anc en eff betrokke is, is geen bespreking sonder geweld nie. Sterkte vir die DA.

Alet

Wel gedaan…UITEINDELIK !!

Piet

Ek verwag nie veel nie. Laas toe die wreedheid van plaasaanvalle in die parlement opgehaal is, het die EFF lede vir Groenewald uitgelag. Dit kan met redelike sekerheid voorspel word dat die teenargument van ander partye gaan wees dat duisende mense in ander plekke ook aangeval en vermoor word. So praat almal in sirkels en niks gebeur nie.

Stefan

Hulle sal nie rus voordat absoluut als tot niet is en sal dan bakhand staan by die res van die wereld want ai foi tog, hulle is dan so honger.
Hulle sal waarskynlik nog as gevolg van aangeprate skuldgevoelens gehelp word ook.