Dele van Pretoria sonder water

Foto: Argieffoto

Verskeie gebiede reg oor Pretoria moet die naweek sonder water klaarkom weens die lae watervlakke van die stad se reservoirs.

Volgens die Stad Tshwane is Atteridgeville, Laudium, Claudius, Erasmia, Waterkloof Heights, Erasmuskloof asook Constantiapark se krane opgedroog. Die stad het reeds verskeie watertenkwaens na die betrokke gebiede uitgestuur om water aan inwoners te verskaf.

Volgens ’n verklaring het Gautengse munisipaliteite vandeesweek ’n kennisgewing van Rand Water, die instelling wat grootmaatwater aan die stad verskaf, ontvang om hulle in kennis te stel dat watertoevoer beperk gaan word weens ’n watertekort in die Vaalrivierstelsel.

Dít tesame met die warm weerstoestande wat die provinsie die afgelope ruk beleef het, het daartoe bygedra dat reservoirs onder groot druk verkeer en watervlakke in die stadium onder 20% lê.

Die Stad Tshwane doen ’n beroep op inwoners om water spaarsamig te gebruik.

Lindiwe Sisulu, minister van water, sanitasie en menslike nedersettings, sal na verwagting eerskomende Maandag gedurende ’n mediakonferensie noodmaatreëls deurgee.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Die Waarheid

Welkom in Suid-Afrika – Dit is voorwaar ‘n wereld uitsondering waar ‘n land se Hoofstad so beproef word .

Gert van Wierdapark

Nou ja Toe! Daar skrik Tshwane en sy inwoners hopelik wakker oor die min water! Om bloot n beroep op verbruikers en vermorsers te doen om minder water te gebruik, IS NIE GOED GENOEG NIE! (dit hou nie water nie) Neem ASB ook AKSIE waar pype lek en bars, en dit soms/dikwels ure en dae neem om dit reg te maak, soos ander M/Media lesers gister geskryf het. Daarr MOET “dedicated” opgeleide spanne wees om ONMIDDELLIK aandag aan sulke water-lekkasies te gee!!! Tyd vir WATER TRAP, is verby!!!

Wingman

Intussen word munisipale waterpype nie herstel nie.

Dolf

Die metro het sy maksimum bevolkingslimiet bereik. Van nou af moet migrante weggewys word.

Piet

Die probleem is daar word niks gedoen om dit te verhoed nie
More is damme vol dan is alles weer vergete