Delmas-pa voor kinders doodgeskiet

Jannie Van der Schyff en sy vrou, Lezel. Foto: Facebook

Jannie Van der Schyff en sy vrou, Lezel. Foto: Facebook

Jannie van der Schyff (46), die pa van Delmas wat koelbloedig voor sy huis doodgeskiet is, het in sy laaste oomblikke desperaat probeer om sy gesin te beskerm.

Jannie is Dinsdagmiddag dood nadat hy deur twee verdagtes in die maag en sy geskiet is. Jan van der Schyff, Jannie se pa, het aan Maroela Media gesê die twee verdagtes het Jannie vermoedelik agter die huis oorval en vasgebind. Jannie het glo gehoor toe sy vrou, Lezel, se motor die hek binnery en hy kon daarin slaag om homself los te wikkel en om die huis te hardloop om sy gesin te waarsku.

Volgens Van der Schyff het Jan aan Lezel en sy twee seuntjies, onderskeidelik agt en ses jaar oud, gesê om uit die erf te kom. Die verdagtes het egter om die huis gehardloop en Jannie op die grasperk doodgeskiet. Die verdagtes het in hul silwer VW Polo gevlug.

“Dit is verskriklik. Dit gryp jou tot in jou diepste wese,” het Van der Schyff gesê. “Lezel is baie sterk. Sy gee uiting aan haar emosies, maar sy is sterk. Die kinders besef nog nie die volle gevolge van wat gebeur het nie.”

Jannie, die jongste van drie seuns, is Van der Schyff se tweede seun wat oorlede is. Sy middelseun, Martin, is aan longkanker oorlede. Sy oudste seun, Willie, woon in Namibië terwyl sy enigste dogter in Potchefstroom woon. Volgens Van der Schyff was Jannie betrokke by ʼn uitgebreide boerdery in die Delmas-area, terwyl Lezel as ʼn apteker werk.

Brig. Selvy Mohlala, polisiewoordvoerder, het bevestig ʼn saak van moord word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
johan

ja, volksmoord, van kleins af saam skool op gobabis begin, eerste rugby wedstryd kaalvoet gespeel nou is sy stem stil. sterkte aan die van des Schyff familie.

Meriza

Baie sterkte aan die vd Schyff gesin, sy vrou en 2 seuns. Was saam met Jannie in Hoërskool Ventersdorp.

Paul

Dit kan waaragtig nie so aangaan nie. Iets moet gedoen word. Kom, staan saam sodat ons kan besluit oor ‘n plan van aksie. Dit raak mens se diepste wese en jy kan nie meer apaties staan nie.

Anel Viljoen

Daar is altyd ‘n veiliger plek in die wereld Deon, on het SA 7 jaar terug verlaat en New Zealand toe gekom – ons was nog nooit terug nie, en kyk ook nie een dag terug op ons besluit nie. Moenie wag dat hulle julle almal so uitmoor nie….trots is niks nie, jou lewe is als. Vlug eerder, niemand sal vir julle lag nie.

Paul

Mandela het gese bou n nasie,,,,,ek wil graag weet hoe bou jy n nasie onder sulke omstandighede,,,,Ek is bereid om geld te verwed dat dit nie wittes was was hom geskiet het nie??