Denel weer arbeidshof toe gesleep

Die vakbond Uasa het ’n dringende aansoek in die arbeidshof gebring om Denel te verplig om salarisse wat sedert Augustus 2020 agterstallig is op datum te bring.

Die aansoek, wat na verwagting vandag (Dinsdag) aangehoor word, word gebring in die lig van die verwagte R1 miljard-uitbetaling wat Denel van die Denel- mediese trustfonds sal ontvang.

Die hooggeregshof het in Februarie beslis dat die sukkelende wapenvervaardiger toegang sal hê tot sowat R1 miljard se mediese fondse wat in ʼn trust gehou word.

Abigail Moyo, woordvoerder van Uasa, sê die vakbond het geen ander keuse nie as om Denel ingevolge ’n hofbevel te verplig om die geld te gebruik om uiteindelik sy verpligtinge teenoor sy werknemers na te kom en agterstallige salarisse te betaal.

“Aangesien die staatsonderneming werkers byna R830 miljoen aan onbetaalde salarisse skuld, is dit net logies dat die geld gebruik word om alle uitstaande salarisse wat aan werknemers verskuldig is, te betaal.”

Uasa sal egter agter Solidariteit in die ry moet staan.

Die arbeidshof het Denel in Februarie beveel om binne tien dae byna R90 miljoen aan Solidariteit oor te betaal om die agterstallige salarisse van sy lede te betaal. Denel het versuim om die hofbevel na te kom.

Moyo sê Uasa se lede kan weens hul onbetaalde belasting nie IRP5’s of belastingnakomingsertifikate van die Suid-Afrikaanse Inkomstediens (SAID) bekom nie. “Van hulle moes mediese uitgawes uit hul eie sakke betaal weens die nie-betaling van bydraes tot hul mediese fondse deur Denel.

“Uasa versoek Denel om sy werkers uit hul ellende te help en te betaal wat verskuldig is. Uasa se lede het ʼn hand-tot-mond-bestaan ​​gevoer; sommige het hul eiendomme en motors verloor weens finansiële druk, terwyl ander werkers nie hul kinders se skoolgeld kon betaal nie.

“Denel tree onwettig op en duisende van sy werknemers en hul afhanklikes ly daagliks daaronder.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

16 Kommentare

Renier johannes ·

Wat verwag julle dis n staats instelling niks werk by hulle nie word wakker

Marius ·

Denel is bankrot. Maak hom toe. Daar word niks van waarde vervaardig of ontwerp nie. Lê die ouer garde af met pensioen pakette en absorbeer die res in ander oneffektiewe staats departemente.

Manie ·

Nie so maklik nie, Denel besit die lisensies om verskeie wapentuig te bou/in te voer/diens, so sonder Denel is die Weermag geskroef.

Klaar me Maroela ·

Manie, die SA weermag is lankal geskroef. Niks werk meer nie, As hulle (Denel) nog op gereelde basis vir die weermag wapentuig vervaardig het, was Denel dalk in ‘n beter finansiële posissie. Privatiseer die maatskappy.

domheks ·

Die regering kom weg met MOORD! Laat ek nou nie my mense betaal nie? More sit ek op straat maar elke sent MOET aan my werkers betaal word! Hoekom werk wetgewing net in een rigting?

Martin ·

In my agterkop is daar iets wat ek nie vir mense noem nie omdat dit ‘n persoonlike opinie is en ek nie ‘n pessimistiese persoon is nie, maar ek wil dit graag deel want ek dink BAIE ander mense in SA is ook gefrustreerd en voel dieselfde as ek… Dit sal dalk ‘n goeie ding wees dat ons huidige regering finaal misluk en dat alles in SA tot stilstand kom en dat ons weer alles van voor af begin van die grond af met ‘n ander nuwe regering. Ek gee nie om wie die land regeer nie solank die regering wat die land wil regeer dit doen sonder om korrup te wees en omgee vir sy mense.

Jacobus ·

Ek stem saam, my vraag is wie of wat kan hierdie ander regering wees en wie gaan hulle instem. Die meerderheid in hierdie land word gekoop met n SASSA betaling n stukkie KFC n T shirt en leë beloftes en daar stem die meerderheid weer hierdie sirkus in net om vir die volgende vyf jaar te betoog en aan die brand te steek oor swak dienslewering.

Casper ·

Ramaphisa erken self die ANC is in die moeilikheid a g v onbevoegdheid,geldgierigheid en korrupsie.Daar is beslis nie ‘n blanke in beheer by DENEL nie.

Leendert ·

Ek dink Rusland gaan binnekort wapentuig benodig … dalk kan Denel daar begin smous.

Suid-Afrika Eerste - Vrydenker Vlakvark ·

En hoeveel wapentuig is al uitgevoer na lande wat nie ‘n flenter omgee vir menseregte nie. Maak Denel toe en gooi die sleutel weg.

Yvonne ·

Bitter tragies…..maar solank daar net polities korrekte aanstellings gemaak word….alles kan maar vergaan

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.