Departement besweer vrese oor varkgriep

(Argieffoto: Pixabay.com)

Die Gautengse departement van onderwys het Woensdag gesê berigte van ʼn varkgriepuitbreking in die provinsie is onwaar.

Dr. Bandile Masuku, LUR vir gesondheid in Gauteng, sê die departement het die Nasionale Instituut vir Oordraagbare Siektes (Nios) versoek om onbevestigde bewerings dat talle mense in die provinsie varkgriep opgedoen het, te ondersoek.

“Ek wil die publiek gerusstel dat daar geen uitbreking of verspreiding van die siekte is nie en bevestig weer die Nios se verslae oor Suid-Afrika se 2019‑griepseisoen. Die verslag stel dit dat die land hoë vlakke in die virus watch-program bereik het en daarom doen ons ʼn beroep op inwoners om by die naaste mediese fasiliteit aan te meld indien hulle simptome van varkgriep ervaar,” het Masuku gesê.

Dié simptome sluit in koors, hoes, seerkeel, loopneus, kortasem, uitermatige moegheid en swakheid, hoofpyn, spierpyn en liggaamspyne, kouekoors en sweterigheid.

Masuku het die publiek herinner dat elkeen kan help om die verspreiding van enige siektes te beperk deur jou mond en neus te bedek wanneer jy hoes of nies, dadelik ontslae te raak van gebruikte snesies en hande gereeld met seep te was.

“Die departement doen ook ʼn beroep op weerlose mense soos kinders, bejaardes, mense met chroniese siektes, asook MIV‑positiewe pasiënte, om by hul naaste gesondheidsfasiliteit aan te klop vir ʼn griepinenting.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Tanel

Ek wonder net as daar geen uitbraak van Varkgriep is nie, hoekom le my dogterjie dan in die hospitaal daarmee. En hoekom het my ma dit dan 3 weke gelede gehad. En dan wonder ek ook hoekom daar tans ‘n tekort is aan Tamiflu as niemand nodig het om dit tw gebruik nie.

Gert van Wierdapark

Dis darem goeie nuus vir Gauteng! Op n ander trant – Kan die LUR van Gesondheid nie hy Onderstepoort aanklop vir hulp sodat ons ‘n In-Entingsmiddel kan kry nie? Indien verkeers-polisie so ‘ n Ent-stof tot hul beskikking kan he om Pad-varke mee in te ent soos en wanneer nodig, sal dit ander padgebruikers se lewens baie aangenamer maak!!! (No-Bell prys vir pad-vrede in SA is op die spel!)

John

Dis nie ‘n grap nie! Ons mediese dienste is in chaos en siekte floreer tydens ontkenning. Die nuwe minister van gesondheid is ‘n teleurstelling… een wat skaars Engels kan lees. Waarom is hy gekies Is hy Lesufi vir die ongesondheidsektor. Dit spel moeilikheid. Masels en ebola broei bo in Afrika. Al waarop die ANC nou hoop is dat die private mediese dienste nou gegryp sal kan word vir meer in die sak.

ZAR

Ek is bewus van een persoon met varkgriep in Vanderbijlpark. As die LUR so openlik kan lieg, dan stel ek voor die mense pas hulleself mooi op en vis uit oor die stand van sake in hul dorp.

Brenda

O aarde ! As die regering ( veral die Gesondheids portefuelje se daar is NIE n probleem ni e, dan moet mens weet n PROBLEEM is reeds daar…