Departement gekap oor plasing van leerders

Die Skoleondersteuningsentrum (SOS) is in die proses om ’n regsbrief aan die Gautengse departement van onderwys te rig om die departement te verplig om toelatingsregulasies korrek toe te pas wanneer hulle gr. 1- en gr. 8-leerders by skole plaas.

Ouers het tot einde Julie geleentheid gehad om hul kinders deur middel van die departement se aanlyn platform by ’n skool van hul keuse in te skryf.

Volgens Melanie Buys, hoof van ontwikkeling aan die SOS, het die departement egter die afgelope week met ’n baie eensydige proses begin om leerders in skole te plaas, sonder inagneming van skole se insette.

Die SOS het van verskeie skole verneem dat die departement leerders wat die naaste aan skole woon, voorkeur gee bo leerders wat ook binne die voedersone woon, al het hierdie leerders se ouers nie eerste aansoek gedoen nie.

“Volgens die regulasies moet leerders wat eerste aansoek doen en binne die skool se voedingsgebied woon eerste geplaas word. Die SOS wil ook verseker dat die departement die leerder en skool se taal van onderrig en leer in aanmerking neem by die plasing van leerders,” sê Buys.

Afrikaanse leerders wat binne sekere skole se voedersones woon en binne die eerste uur aansoek gedoen het, word nou van die lys verwyder ten gunste van Engelse leerders wat nader aan die skool woon, maar baie later eers aansoek gedoen het om toelating, aldus die SOS.

“In die meeste gevalle waar hierdie leerders hul plek verloor in Afrikaanse enkel- of parallelmediumskole is daar geen ander Afrikaanse skole binne die voedersone nie.”

Die departement het ook Maandag ’n boodskap aan verskeie ouers gestuur waarin hulle vereis dat ouers fisiek hul woonadres by die departement se kantoor in Johannesburg moet gaan bevestig.

Die SOS is egter bly om te verneem dat die boodskap Dinsdag teruggetrek is, aangesien die regulasies bepaal dat stawende dokumentasie vir aansoeke slegs by die betrokke skool ingedien moet word.

“Volgens die departement behoort die aanlyn platform ouers en skole moeite te spaar, maar ons sien toenemend dat dit net meer moeite en chaos veroorsaak,” sê Buys. Sy raai ouers aan om enige soortgelyke boodskappe vanaf die departement te ignoreer.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Ra Amon Khan

Al die moeite en kinders weet nog steeds niks na matriek nie …bring terug die ou 80’s en vrroëe 90’s se sillabus …en boeke.

Swanna

Hirdie is met opset gedoen om sodoende die Afrikaans sprekende skole oor te skakel na engels mediam. Weereens alles gemik teen die afrikaans sprekende persone. Maar dan wil ek ook by se dat ons ook skuldig is in die saak. Die dag toe almal begin het met hierdie “SUPER” skole idee wat eintlik ‘n siekte is om jou kind te laat koop om by ‘n “sekere” ” super skool” in te kom en as iets wat uit die hemel neer gedaal het te laat sien, is dit maar net ‘n ander manier van “kinder arbeid” en jy as ouer te… Lees meer »

Ronel

Eks glad nie verbaas hierdeur nie. Overvaal-debakel wat wag om te gebeur.

Mamma

Dis baie duidelik dat die departement se doelwit om Afrikaans in skole tot niet te maak hier in werking gestel word.

JohanL

Hoekom is daar skynbaar net (groter) probleme in Gauteng as dit by skole kom? Mens lees nie van sulke probleme in die Wes-Kaap of ander provinsies nie.