Departement maak klein mistykie met brandstofprys

Die departement het intussen die flater met die petrolprys reggestel. (FFoto: Maroela Media)

Die departement van minerale hulpbronne en energiesake het ʼn berekeningsfout met die brandstofprys gemaak wat hy vroeër vandeesweek aangekondig het.

Hy het dié fout nou reggestel – en dit is minstens goeie nuus vir motoriste.

In Gauteng en ander binnelandse provinsies het die petrolprys vandeesweek vir die eerste keer die R20 per liter-kerf verbygesteek – en nie eens die afwaartse aanpassing kon dié prys ongedaan maak nie.

Die departement het aanvanklik aangekondig dat die prys van petrol met 81c per liter styg, terwyl die styging eintlik net 75c per liter moet wees. Die styging het om middernag in werking getree.

Volgens die departement is die 6c-verskil toe te skryf aan die aanpassing van lone vir werkers by vulstasies wat reeds in September vanjaar in werking gestel is.

“Hoewel dit die eerste keer is dat ʼn fout in die geskiedenis van die vasstelling van die basiese brandstofprys in Suid-Afrika gemaak is, vra die departement opreg om verskoning vir die ongerief wat veroorsaak is,” lui ʼn verklaring wat Woensdagoggend uitgereik is.

Die res van die pryse wat vroeër bekend gemaak is, bly onveranderd. Die prys van diesel het om middernag met tussen 72,5c per liter en 74,5c per liter gestyg. Die prys van paraffien het 42,2c per liter gestyg, terwyl die kleinhandelsprys vir gas met R1,83 per kg verhoog is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

41 Kommentare

jongste oudste gewildste
Nie Verbaas

Wel ons is alreeds ten volle bewus dat hulle absoluut niks reg kan doen nie.

Misky

Die laaste 27 jaar is een GROOT “mistykie” en ons betaal al jare die prys.

Lesly

Die enigste misteiki is die party wat die land tans regeer

boerie

Net een wat hulle erken, net omdat daar so baie gekla is, hoeveel ander is daar wat ons nie van weet nie.

JohanR

Kom ons sien nou…… 15 December gaan die brandstof prys AF met 25c. 4 Januarie 2022 gaan die brandstof prys OP met 75c. Wonder hoe eienaars van besighede met 40 trokke of meer op die oomblik oorleef? Kan nie net aanhou en aanhou en aanhou om prys verhoogings deur te gee aan die man op straat. Naderhand staan hy of sy ook by SASSA vir R350. En daar vlieg ‘n minister se blou lug 16 voertuig konvooi nou verby. Daai konvooi maak moes vol by die regering se pompe, soe kos die minister niks!