Departement sal eerste onteienaars wees, sê Sisulu

Lindiwe Sisulu (Foto: Chantall Presence/ANA)

Die departement van menslike nedersettings sal die eerste grondonteienaars wees sodra die wetgewing van krag word, het minister Lindiwe Sisulu Dinsdag gesê.

Sisulu het die media toegespreek voor haar departement se begrotingsdebat in die parlement. Volgens haar sal wetgewing wat die onteiening van onbesette grond in openbare belang beheer, noodsaaklik wees om meer behuisingsgeleenthede naby aan stede te verseker vir behoeftige persone.

“Ons sal seker maak dat ons eerste in die ry staan vir grond wat onteien word sodra die wetgewing goedgekeur is,” het die minister gesê. “Trouens, ons is van voornemens om ʼn klousule by die wetsontwerp in te sluit dat alle staatsbeheerde en openbare grond in die stede aangewend word vir behuisingsdoeleindes.”

Die onteieningswetsontwerp is verlede jaar onttrek om LP’s kans te bied om te besin oor die vraag of artikel 25 van die Grondwet gewysig moet word om uitdruklik die onteiening van grond sonder vergoeding moontlik te maak. LP’s het verlede jaar ten gunste van die wysiging gestem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Oujongvrou

Ja ja ja en ons glo elke woord wat uit ANC se monde kom.

James

So… klomp plakkers kampe en niks plase en plant nie.. OM kos te voorsien nie. Eerder nog plekke waar bevolking met 10X kan groei…..

Johanna Botha

Alles is bankrot …glo my dit gaan ook n flop wees !

Andreas

Koebaai parke, koebaai groen oop ruimtes, koebaai sypaadjies. Parkeerareas?

Jannie van Niekerk

Nevermaaind “Koebaai Parke”… Vaarwel Suid Afrika, Hallo Misdaadfrika.