Departement waarsku oor droogte; waterbeperkings ingestel

Argieffoto (Foto: dechatorn, Pixabay)

Argieffoto (Foto: dechatorn, Pixabay)

Die departement van water en sanitasie het sy kommer uitgespreek oor die droë seisoen wat Suid-Afrika tans beleef.

“Groot dele van die land sal na verwagting baie droë toestande en erge hitte beleef tydens die feesseisoen, weens min reën,” het dr. Dennis Dlamini, hidroloog by die departement, gesê. “

Dlamini het afgevaardigdes by ʼn werkswinkel in Pretoria toegespreek en gepraat oor die swak reënvooruitsigte vir verskeie provinsies, waarvan sommige reeds droogtetoestande beleef.

Dlamini het gesê buiten die Wes-Kaap en Oos-Kaap moet die res van die land hulleself gereedmaak vir ʼn laer as gemiddelde reënval tydens die betrokke periode. Hy het egter gewaarsku dat mense tog gereed moet wees vir kitsvloede.

Intussen het Rand Water, wat Pretoria, Johannesburg en Ekurhuleni van drinkwater bedien, aangekondig dat die onderskeie munisipaliteite waterbeperkings onmiddellik ingestel het weens die toename in die aanvraag as gevolg van die hoë temperature.

Die tydelike waterbeperkings geld tussen 06:00 en 18:00 en inwoners mag nie tuine met tuinslange of ʼn sproeierstelsel natspuit, motors met tuinslange was of swembaddens vol water tap nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Theo

Weereens blameer dr denis dlamini droogte en min reën, instede van homself of die dept. Daar is genoeg water in die damme. Die infrastruktuur is nie opgegradeer nie maar die aanwas het gestyg. Die lewering van water is die probleem. Weer n anc mislukking om vooruit te beplan

Mariane

Dan kry mens witmense met boorgatte wat heeldag sproeiers aanhet. Besef hulle nie as dit nie begin reen nie gaan die boorgatte se watervlak ook val. Ja daar is damme met genoeg water. Maar hier is die damme leeg weens te min reen.

susan

Praat van waterbeperking.!! Julle moet kom kyk hoe loop die water in die pad af voor ons huis. Lekkende waterpype is aan die order van die dag hier in ons gebied. Het dit al telkemale raporteer maar tevergeefs. Dis nou presies n maand. Lyk nie of city of tshwane n probleem daarmee het dat kosbare water in die strate afloop nie. Ten minste baat ons geveerde vriend daarby. Bad te lekker…

neelsie

n Bewusmakingveldtog moet dringend geloods word oor die skaarste van water. Hoe sommige dit regkry om die plaveisel skoon te spuit dat water meters ver in die straat afloop, verstaan ek nie.
Lekkende pype:
Kry n verwysingsnommer by die stadsraad en e- pos dit ,met jou besonderhede na:
[email protected]
Baie water gaan verlore deur lekkende pype waarvoor ons betaal.
Bid onophoudelik vir reen!

Knersus D

Vaaldam is 56% vol, Sterkfontein dam wat Vaaldam voed is 97% vol. Katse dam is 90% vol. So die droogte is nie die eintlike problem in Gauteng nie.