Senzeni Zokwana, minister van landbou, bosbou en visserye, het Woensdag gesê sy departement sal nie meer gekonfiskeerde vis en perlemoen stoor of verkoop nie.
Zokwana het in sy begrotingsrede gesê wanneer dit kom by die bestuur van die land se mariene hulpbronne, is dit “nie gewone misdadigers nie, maar georganiseerde sindikate” wat verantwoordelik is vir omgewingsmisdade soos oormatige visvang, visvang sonder permitte en diefstal uit die departement se pakhuise, gewoonlik met behulp van departementele beamptes.
“Dis waarom ek die besluit geneem het dat die departement nooit weer enige gekonfiskeerde vis sal stoor nie,” het hy gesê.
Sy departement is ook in gesprek met die departement van justisie, polisie en omgewingsake om ʼn holistiese en omvattende nasionale strategie te ondersoek om dié misdade te bekamp.
Hy het verwys na ʼn onlangse voorval waar verskeie gewapende rowers, na bewering in polisieuniforms geklee, Dinsdag toegeslaan het en sewe ton gekonfiskeerde perlemoen gesteel het wat by die departement van visserye in Kaapstad gestoor is.
As dit nie gestoor of verkoop gaan word wat gaan die departement met die goe doen. Nerens in die berig lees ek wat gaan gedoen word.
Presies dieselfde vraag wat ek wou weet.
Die gewapende rowers is eintlik die polisie
Francois, ek dink jy is heeltemal reg.
Laat die wat die vis gekry het heerlik eet aan hulle fonds hoekom moet binne diewe die vis eet??
@ Francois, jou steling is korrek. Sal net graag wil weet as die Dept dit nie meer wil verkoop of stoor nie wat gaan dan van dit word. Laat dit dan deur Marine biologie verkoop word en die geld aanwend vir Marine beskerming.
Ja die minister is moeg vir vis en perlemoen eet. Vrieskaste is vol. Gee hom n steak asb.
Huh? Nou moet almal in daardie departement hulle EIE vis vang en perlemoen uithaal? Nee man…..hier kom nog ‘n “strike”!!
..gaan dit seker skenk aan hul bra’s wat seekosrestaurante het of self opeet