Derby-Lewis glo aan bed vasgeketting

Clive Derby-Lewis

Clive Derby-Lewis

Die departement van justisie en korrektiewe dienste wou nie Saterdag kommentaar lewer oor berigte dat Clive Derby-Lewis aan ‘n hospitaalbed vasgeketting word nie.

“Ons bespreek nooit veiligheidsmaatreëls met die media en in die publiek nie,” het Manelisi Wolela, woordvoerder van die departement, gesê.

Die Saturday Star berig dat Derby-Lewis (78) aan sy bed in die Eugene Marais-hospitaal vasgeketting is en dat sy bene ook aan mekaar geboei is. Derby-Lewis ondergaan chemo en bestraling vir longkanker.

Derby-Lewis wag intussen steeds vir terugvoer van die departement rakende sy aansoek om op mediese parool vrygelaat te word. Dit is al twee keer van tevore afgekeer.

Wolela sê Derby-Lewis se paroolaansoek “bly dieselfde”.

Derby-Lewis is vroeër vanjaar twee keer in die Kgosi Mampuru Sentraal-gevangenis deur ander gevangenes aangeval.

Derby-Lewis dien tronkstraf uit vir sy aandeel in die moord op Chris Hani, voormalige sekretaris-generaal van die SAKP. Hy het reeds meer as 20 jaar van sy vonnis uitgedien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Benno

‘n Baie siek man, bejaarde word vasgeketting aan sy bed en met voetboeie, dis MARTELING. Ten minste tree Front Nasionaal na vore om hom te laat bevry (baie dankie daarvoor). Danksy hulle is die voetboeie nou verwyder. Een persoon is dood, Chris Hani, en sy vrou en dogter wil steeds nie toestemming verleen vir sy vrylating. Van wanneer af het hulle die reg om namens die DKD te besluit. Wat van al die Kerkstraat-bom slagoffers se gesinne wat ook steeds na hul geliefdes verlang? Bevry Mnr D-L onmiddellik, dit sou immers net menslik wees. Sy tyd is lank reeds uitgedien,… Lees meer »

Grassie

Dink hulle nou wragtig hierdie bejaarde, hulpelose man sal probeer ontsnap? Om waar te gaan wegkruip? En dit terwyl sy parool oorweeg word! Ek glo dit word opsetlik gedoen om hom te verneder en te verguis. Dit is diepgewortelde haat wat sy lelike kop hier uitsteek.

Hantie

Clive Derby Lewis is juis geboei agv. Front Nasionaal se optrede en betoging. Die Departement van Korrektiewe Dienste is blykbaar nie bang dat ‘n ou man soos CDL kan ontsnap nie, maar vertrou nie FN nie en wil keer dat regses hom van buite ontset. FN doen meer kwaad as goed en gaan die man op die ou einde sy parool kos! Gelukkig het Mulder ingegryp en is die kettings nou weer los.

Colleen

As dit so is is ons land se korrektiewe diens onmenslik. Die stryd teen kanker is klaar n emosionele en ligaamlike aftakeling vir n lewende wese. Hoe kan julle toelaat dat die arme man nog vasgeketting moet wees. Ek dink hy het sy straf goed uitgedien. Maar ja ons boere mag maar vermoor word en hul vrouens verkrag word en sulke mense kry net n paar jaar in die tronk.

Dawid

Mense regte skending.Dit was nooit met Stafendas gedoen nie.Dit word gedoen omdat hy Blank is.