Derby-Lewis se vrou waarsku SAKP, Hani se weduwee

Clive Derby-Lewis

Clive Derby-Lewis

Clive Derby-Lewis se vrou, Gayle, het die SAKP en Chris Hani se weduwee gewaarsku om nie bewerings te maak oor “wyer sameswerings” rakende Hani se moord nie.

Die SAKP en Limpho Hani moet teen 9 Januarie voorleggings doen aan Michael Masutha, minister van justisie en korrektiewe dienste, oor hoekom Derby-Lewis nie dringend op mediese parool vrygelaat moet word nie.

Die SAKP en Limpho het in die verlede volgehou dat Derby-Lewis nooit die volle waarheid vertel het oor die moord op Hani nie. Hy is op 10 April 1993 buite sy huis in Boksburg doodgeskiet.

“Ons wil graag die tweede en derde respondente waarsku dat indien hul voorleggings bewerings van wyer sameswerings bevat sonder enige bewyse, hulle dan skuldig is aan dwarsboming van die gereg, en dat ons op daardie gronde klagtes teen hulle sal aanhangig maak,” het Gaye in ‘n ope brief aan Hani en die SAKP gesê.

Haar 78-jarige man diens lewenslange tronkstraf uit vir sy aandeel in die moord op Hani. Hy het reeds 22 jaar van sy vonnis uitgedien.

Die hooggeregshof in Pretoria het op 2 Desember gelas dat die mediese paroolraad teen 10 Desember al die mediese verslae wat op Derby-Lewis van toepassing is moet oorweeg en teen 15 Desember ʼn geskrewe aanbeveling Masutha moet verskaf. Masutha moet, luidens die bevel, Derby-Lewis se aansoek teen 31 Januarie oorweeg.

Derby-Lewis is reeds vir maande in die hospitaal weens mediese probleme. Hy is met terminale longkanker gediagnoseer en sy een long is glo deurtrek van die kanker en kan enige tyd platval.

Klik hier vir vorige berigte oor Derby-Lewis.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Andries Erwee

Mev. dreigemente gaan jou nêrens bring nie. Maak n afspraak met Mev. Hani. Julle deel dieselfde verlange na julle mans. Ek het geen twyfel dat Mnr. Derby-lewis die Kersfees tuis sou wees as jy lankal uitgereik het na die Hani familie. Julle is almal goeie mense. Praat die saak in nederigheid uit.

Parool leek

Werk dit ALTYD so dat die familie van n vermoorde persoon kan besluit of parool vir die skuldige goegekeur word of nie? En wat dan as die familie nie christene is nie bv. satanisties is en hulle weier sulke toestemming – is iemand soos Mnr. DL se lewe/toekoms byvoorbeeld dan in hulle hande??

Kaspaas

Al was daar ‘n “wyer sameswering”, so what !!! Die ding was ‘n terroris en opsweper.

boer

Dankie Kaspaas,

Iemand wat weet wie Hani regtig was, n terroris,net soos sy ander maats,
insluitend Mandela

lillian

Ja, as almal maar weet, wie eintlik agter die beplanning van Hani se moord sit …