Derde transitoroof binne 4 dae in Gauteng

Argieffoto (Fidelity Security)

Gauteng het vandeesweek omtrent deurgeloop onder transitorooftogte. Nóg een het Sondagmiddag plaasgevind, dié keer in Johannesburg.

Die rooftog het omstreeks 12:00 by die Southdale Mall in die suide van Johannesburg plaasgevind.

Kapt. Mavela Masondo, woordvoerder van die polisie, het aan Maroela Media bevestig die polisie is in dié stadium op soek na agt verdagtes wat van die toneel gevlug het in ʼn bruin Audi A4.

“Daar word beweer dat ʼn Fidelity-geldwa geparkeer gestaan het met een veiligheidswag in Shoprite terwyl die ander een by die wa gewag het. Dit is toe dat die gewapende aanvallers hom [die wag by die voertuig] nader en dwing om die geld aan hulle te oorhandig,” het Masondo gesê.

Niemand is tydens die voorval beseer nie.

Masondo het ʼn beroep op die publiek gedoen om die polisie te laat weet van enige inligting wat daartoe kan lei dat die misdadigers aangekeer word.

Die verdagtes het van die toneel gevlug in ʼn onbekende rigting.

ʼn Saak van transitoroof word ondersoek.

Dié rooftog kom slegs twee dae nadat ʼn G4S-geldwa op die N4 in Silverton in Pretoria tussen Watermeyerstraat en Simon Vermootenweg beroof is. Kapt. Ndivhuwo Mulamu, woordvoerder van die Valke, het bevestig dat twee veiligheidswagte van die G4S-voertuig wat aangeval is, gering beseer en na die hospitaal vervoer is vir verdere behandeling.

Skote het ook vroeër vandeesweek in Boksburg geklap toe ʼn groep swaar gewapende verdagtes Donderdag op twee geldwaens aan die Oos-Rand toegeslaan het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
PJ

Een of ander Politieke Party het geld nodig vir die 2019 verkiesing

Eish

Née wat, daar is geen keer aan die rewolusie nie.
Dié in die Carducci pakke plunder die staat en die voetsoldate die kontant.

zoom zoom

Wie dra die versekering op die geld wat so vervoer word. Iemand moet verloor en ons weet wie wen. Dit word nou ‘n daglikse oefening sonder resultate.

Chelle

Onthou jul nog daai advertensie? It’s not inside but on top!
Ek reken….it is inside AND on top…
Transito- rooftogte geskied te seepglad,gemaklik…

Johann

Sisulu se HELL HOLE!!!