Foto: Valke
ʼn 40-jarige man sal na verwagting Maandag in die Vosman-landdroshof verskyn in verband met die diefstal van treinspore.
Die verdagte is ʼn werknemer van ʼn bekende afvalbestuur- en skrootmetaalonderneming in Mpumalanga, het kapt. Dineo Lucy Sekgotodi, Valke-woordvoerder, gesê.
“Die verdagte word verbind aan ʼn voorval waar treinspore ter waarde van R1,4 miljoen gesteel is.”
Lede van die Valke het Maandag in samewerking met ander agentskappe verdagtes dopgehou wat by Kromdraai treinspore op ʼn vragmotor gelaai het. Die beamptes het op die verdagtes toegeslaan en twee mense in hegtenis geneem.
Foto: Valke
Volgens Sekgotodi het ʼn derde verdagte in ʼn maatskappyvoertuig op die vlug geslaan, maar kort daarna teen ʼn muur gebots. Hy het egter ontsnap en is Saterdag by sy huis in Vosman in hegtenis geneem nadat die Valke inligting opgevolg het oor waar hy hom bevind.
Thulani Rodrigo Khumalo (33) en Dumisani David Nkosi (38), die twee verdagtes wat reeds Maandag in hegtenis geneem is, is in aanhouding nadat hulle Vrydag in die Vosman-landdroshof verskyn het. Hulle sal na verwagting weer Woensdag in die hof verskyn waar hulle om borgtog sal aansoek doen.
Die derde verdagte sal Maandag in die hof verskyn op aanklagte van die beskadiging van noodsaaklike infrastruktuur, diefstal en die besit van gesteelde goedere.
Ek kan nie verstaan hiekom die hof se tyd gemors moet word met borgaansoeke nie. As jy op heterdaad betrap word, is jy skuldig. Geen borg. As daar ‘n vermoede bestaan dat jy wel’ ‘n misdaad geleeg het en dat jy in die hof sal verkyn, is dit’ ‘n ander saak. Maar om vir elke misdaad tyd af te staan vir borg is sommer nonsens. Dit is geen wonder sake word nie afgehandel nie en word uit gestel tot in lengte van dae.
Ongelukkig is dit elke persoon se reg nog onder die ou bedeling om vir borg aansoek te doen daar die aanhouding voor die verhoor net gedoen word om jou teenwoordigheid by die verhoor te verseker en as die landdros vermoed of glo jy sal jou verhoor bywoon is hy eintlik half verplig om borg toe te staan
Na die verhoor vonnis die voorsittende beampte die beskuldgde as hy skuldig bevind is met n gepaste vonnis.Baie keer egter nie wat ek gepas noem nie
Dit is altyd in my oe te lig
Ek weet van n geval waar n persoon borg gekry het na hy ter dood veroordeel tot almal se skok en na sy Appel verwerp is is hy weer arresteer en dodeselle toe geneem.
Gaan lees gerus die Strafproses wet oor aanhouding en borg en ek se nie ek kondoneer dit nie
Hoop dit help maar ek verstaan jou frustrasie en deel dit in baie gevalle
En die eienaar wat dit koop ?
As dit ‘n spoorlyn is wat in gebruik is, behoort poging tot moord by die klagtes gevoeg word.
Waar is die mense se logika?Met geen gedagte aan die gevaar wat dit aan treine en menselewens kan veroorsaak nie. Geen respek vir ‘n ander nie. Ek hoop hulle en die eienaar van die skrootwerf word swaar gestraf.
Doen n oudit op skrootwerwe .my pa het n stuk grond aan n skrootwerf verhuur, dit was nie lank toe is al die omliggende plaaseienaars oproerig. Elke stukkie yster is wegfgedra van die plase af. Toe ons ook nog uitvind hulle brand snags kabels skoon, het ons hul verjaag. Snaaks genoeg het my pa ook nie in die volgende winters so brongitis gehad nie.
Daar is tans min treine wat loop op die platteland, anders was hier groot tragedies wat hom kon afspeel. Dis darem erg onverantwoordelik
Emalahleni ( Witbank ) is net nog een van die wettelose stede in SA. Dikwels sien jy swart volke rook in oop gebiede waar kabels skoon gebrand word. Die SAPD in Witbank is baie laks om hulle pligte uit te voer.