Derick Hougaard se hartroerende brief aan seuns

Karlien-van-Jaarsveld.jpg

Karlien van Jaarsveld saam met die tweeling, Eliah en Daniël. Foto: Facebook.

Oud-Springbokrugbyspeler Derick Hougaard het in ʼn hartroerende “brief” op Facebook geskryf hoe baie hy na sy tweelingseuns verlang.

“Julle is die rede hoekom ek soggens opstaan, al voel dit ek kan nie,” het hy geskryf. Die brief, wat saam met ʼn foto van die tweeling, Eliah en Daniël, geplaas is, vertel van Hougaard se hartseer oor hy nie meer elke dag sy kinders kan sien nie. Die seuns word in Desember twee jaar oud.

“Maar wat Pappa vang, is dat ek voel ek drop julle. En nie daar is om julle elke keer as julle val op te tel nie. Dat ek nie die laaste gesig is wat julle sien wanneer julle gaan slaap nie. En ook nie die laaste persoon wat julle soen en julle sien voor julle droomland toe gaan, daar waar Jesus julle die mooiste drome laat droom nie,” het hy geskryf.

Die brief lui verder: “Ek wonder wat kon ek meer of minder doen om julle ʼn heel huis te gee. En dat julle my voorbeelde dagin en daguit kan volg. Die goeie natuurlik, nie die slegte nie. Ek hoop jaar van nou kan julle nog steeds lees hoe baie lief ek julle het en altyd julle pa gaan wees. En werk dat julle goed kan ervaar wat julle voorlopers in julle era sal wees. Ek mis alles van julle grootword. Daai pragtige lyfies. Maar moet my droom aanpas. Onselfsugtig wees en julle geluk gun. Want my behoeftes en waardes tel vir nou nul.”

Hougaard is onlangs van die sangeres Karlien van Jaarsveld geskei, skaars 42 dae nadat hulle die egskeiding op sosiale media aangekondig het. In die emosionele brief sê hy: “En aan elke Pa, hou jou gesin heel. Al moet jy alles los wat seer veroorsaak. Kinders red ʼn vrou en ʼn vrou red ʼn man. Die regte vrou is die beste iets wat God ooit gemaak het.”

Hy het ten slotte geskryf: “Julle gaan nog diep spore stap. En ek sal in die agtergrond julle grootste ondersteuner wees. Met trane in my oë. Ek hoop ek los ʼn legacy waarop julle trots sal wees om my julle pa te noem al gebeur wat. Love you guys.”

Lees die volle brief hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Willie Brits

Cry me a river!! Asseblief Hougaard, groei ‘n paar koele! Werk vir jou seuns se respek en hou op met die alewige FB temery.

Daleen

Willie, Derick is ‘n ware mens en ‘n ware heer. Die kinders moes in sy toesig gelaat gewees het!! Ek is van mening dat hy goed is vir sy seuntjies. Derick, die son sal weer skyn en daardie laaities van jou sal groot word en vir hulle self sien wat is wat!! Hou net aan om hulle lief te he!

Daleen

………. sy ook nie!!

Wouter

Ek dink in elk geval gaan Willie hulle meer kan leer. Hulle sal nog vir baie ooms “Pa” noem.

Hannelie

Derick jy “drop” nie jou seuntjies nie, Karlien is die een wat julle “drop”. Dink baie aan jou, kan ongelukkig nie dieselfde van Karlien sê nie, sy darem “te vinnnig” opgehou om lief te wees vir jou. Sterkte