Emeritus-aartsbiskop Desmond Tutu. Foto: Ilan Godfrey/Templeton Prize/SAPA
Nobelprys vir Vrede-wenner, emeritus-aartsbiskop Desmond Tutu, is in ʼn hospitaal in Kaapstad opgeneem.
Die Desmond & Leah Tutu Legacy-stigting het Woensdag in ʼn verklaring gesê Tutu is in die hospitaal opgeneem vir die behandeling van ʼn hardnekkige infeksie.
Luidens die verklaring is die emeritus-aartsbiskop oor die afgelope paar jaar verskeie kere vir die behandeling van ’n soortgelyke toestand in ʼn hospitaal opgeneem.
Geen verdere besonderhede is verskaf nie.
Die 88-jarige Tutu stry al byna twee dekades teen prostaatkanker.
Beterskap vir emeritus aartsbiskop tutu
Alle beterskap word toegewens.
Kan daar maar nie minder nuus wees oor die man nie
Hy kom en gaan deesdae uit die hosp en die meeste mense het geen belang daarby nie
Barry