Deurbraak ná moord op Pretoriase dokter

polisie-huisroof-crime

(Argieffoto: SA Polisie)

Drie mans het Maandag in die Pretoriase landdroshof verskyn in verband met die onlangse moord op dr. Erna Britz-Van Zyl en die aanval op haar man, Dries van Zyl.

Maroela Media het vroeër berig die egpaar is voorverlede naweek in hul huis in Erasmusrand in die ooste van die stad oorval en aangerand voor die aanvallers op die vlug geslaan het. Die egpaar se seun het die volgende dag op sy vasgebinde ouers in hul huis afgekom. Erna (73) is op die toneel dood verklaar en Dries (75) is na ’n hospitaal gehaas.

Kapt. Mavela Masondo, polisiewoordvoerder, sê die ondersoekbeampte in die saak het Woensdag ’n deurbraak gemaak toe ’n kredietkaart wat gedurende die aanval gesteel is, by die Big Tree Mall in Moloto, meer as 30 km buite Pretoria, gebruik is.

Die egpaar se Toyota Corolla waarmee die verdagtes van die toneel gevlug het, is ook by die betrokke winkelsentrum opgemerk.

Die eerste inhegtenisneming is Donderdag gedoen. Daar is ook dié dag op die gesteelde motor beslag gelê waarna die tweede verdagte hom Vrydag by die polisie in Kwamhlanga oorgegee het.

Die derde verdagte is Saterdag aangekeer.

Thabo Nkomo (21), Coney Shongwe (22) en Richard Nhlapo (30), al drie van Moloto, staan nou tereg op aanklagte van moord, poging tot moord, huisroof en motordiefstal.

Die saak teen hulle is tot Maandag uitgestel. Hulle bly in aanhouding.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

15 Kommentare

Androclus ·

Die saak teen hulle is tot Maandag uitgestel. Hulle bly in aanhouding.Seker om vir borg aansoek te doen.
Verkrampte regstelsel.

Thea ·

Goeie werk van die polisie, maar dit sal nooit weer vir Dr terugbring nie.

Jakes ·

Hoop hulle vergaan in die tronk. Die feit dat hulle probeer het om die kredietkaart te gebruik met n van wat nie op hulle van toepassing is nie, getuig van n baie baie beperkte breinfunksie.

Androclus ·

Ja daar het hulle hulself in die tronk gesit.
Ek stem die mense by die till het gesien nee man die van lyk nie soos julle nie.

tweeling ·

Ek dink die transaksie het ge-decline en toe wonder die kassier. ‘n Ander rede kan ook wees dat hulle voorkoms nie weerspieel iemand wat ‘n kredietkaart sal gebruik nie. Ek sien min kassiere wat na die kaart se details kyk as ek my kaart gebruik

Johan ·

So sinneloos. Moor net om tronk toe te gaan. Dis jong klomp wat nie n toekoms het in die land nie. Hoeveel meer gaan dit doen? Onskuldige mense wat niks gedoen het nie se lewens. My hart gaan uit na die kind wat hul moes ondek het. Ek sal my kop verloor en iets doen. Sterkte vir die familie

Rita ·

Hulle woon dan seker in Moloto as hulle daar gearresteer is. Waaroor ek nou wonder is hoe weet hulle van die Van Zyl egpaar se woning of was dit n lukraak aanval? Ry hulle sommer in die strate rond en besluit, ok ons gaan hier inbreek? Klink vir my al te veel of die inligting rakende die egpaar weer deur n informant gegee is, maw weer n inside job.

Mrs H ·

Skrikwekend om te sien hoe jonk hierdie nat agter die ore kriminele is?! En met watse haatlikke wreedheid hulle mee rond beweeg. Kom dit uit hul ouer huise uit?

Mrs H ·

Hoop die kriminele word gefonnis volgens lewensjare van die wat hulle vermoor het… dus die ouderdomme van slagoffers.

Petrus ·

Nou hoekom word hulle foto’s nie gewys nie. Ek weet dit word deur die Regering verbied om dit nie te toon nie. Sodra enige Blanke ge-arresteer word vir die oortreding van enige Covid reels dan haal dit hoofnuus.

Flip ·

Ek vra altyd dueselfde vraag Petrus, bitter min fotos van die moordenaars. Seker om hul te beskerm….

Genis ·

Ja ou Cyril “your people man”…. Dis skokkend hoe mense wat niks bydra to die gemeenskap en ekonomie..soveel skade, hartseer en uitmoor kan veroorsaak… Die bloed is ann CR en JM se hande…

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.