Dié bagasie nie meer op OR Tambo toegelaat

(Foto: Argieffoto)

(Foto: Argieffoto)

Nuwe bagasiereëls wat strook met die bagasieriglyne van die Internasionale Lugvervoervereniging word sedert Maandag op die OR Tambo Internasionale Lughawe toegepas.

Luidens ʼn mediaverklaring deur die lughawe veroorsaak sakke en tasse met lang bandjies of wat geen plat oppervlaktes het nie blokkasies in die bagasiehanteringstelsel. Die lughawe glo die implementering van dié nuwe reëls, wat bagasie van onreëlmatige vorms en groottes verbied, sal help om hierdie blokkasies te voorkom.

“Dié blokkasies kan afdelings van die bagasiehanteringstelsel laat stilstaan, wat daartoe lei dat bagasielewering na en van vliegtuie vertraag word en sodoende word passasiers en lugrederye verontrief,” lui die verklaring.

Die lughawe se bestuur oorweeg reeds sedert vroeg verlede jaar die nuwe reëls en daar is ná uitgebreide konsultasies met die lugdiensoperateurskomitee en ander liggame wat die lugdienste verteenwoordig ooreengekom om bagasievoorwaardes te aanvaar wat soortgelyk is aan dié wat op ander internasionale lughawens toegepas word.

“Ons besef dat hierdie nuwe bagasiereëls moontlik ongerief en addisionele uitgawes vir sommige passasiers tot gevolg kan hê. Daarom is dit nie ʼn stap wat ons ligtelik geneem het nie,” het Kris Reddy, assistentbestuurder vir operasionele dienste van die lughawe, gesê.

“ʼn Klein hoeveelheid sakke en tasse van onreëlmatige vorms en groottes wat stilstande in die bagasiehanteringstelsel veroorsaak, skep baie groter ongerief vir die meerderheid passasiers. Ons het die saak vir langer as ʼn jaar oorweeg en verskeie moontlikhede ondersoek.

“Dit is ons mening, en lugdienste en ander belanghebbendes is dit ook eens, dat die verandering van reëls oor onreëlmatige bagasie die algehele vlak van diens aan alle passasiers sal verbeter,” het Reddy bygevoeg.

Terminaal 1 van die Dubai Internasionale Lughawe het onlangs dieselfde soort bagasiereëls begin toepas.

Die nuwe bagasiereëls is soos volg:

– Slegs bagasie met reëlmatige vorms sal by inboektoonbanke toegelaat word. Dit beteken dat sakke of tasse ten minste een plat oppervlakte moet hê om aanvaar te word deur die inboekstelsel.

– Ronde of onreëlmatige bagasie en sakke of tasse met lang bande sal nie toegelaat word deur die inboekstelsel nie.

Passasiers wat bagasie wil inboek wat nié aan die reëls voldoen nie, sal die opsie gebied word om hul bagasie te laat toedraai met een plat kant by die lughawe se goedgekeurde bagasietoedraaistasies.

(Foto: Acsa)

(Foto: Acsa)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Mike

Is dit ook vir dra bagasies wat mens saamdra in vliegtuig? of net vir bagasies waar mens dit weeg en incheck?

marous

Een plat kant ? Die bagasie word gegooi en die vervoerbande is skuins ! Kyk nou mooi wie van die beeee word aangestel om groot vierkantige tasse te verkoop reg by die inboek toonbank !

Karin

Wat van bagasie wat jy by jouself dra?

JohanL

Hoop hierdie nuwe riglyne word goed versprei deur reisagentskappe en ook op die webwerwe van instansies waardeur besprekings gedoen kan word. En natuurlik ook by lughawe self.

Dink net jy staan vir halfuur in tou om in te boek – net om weggestuur te word na die mense wat tasse toedraai. gaan jy weer in tou moet staan? Gan jy dalk jou plek op vlug verloor?

lvh

Dit is net makliker om in ‘n plat tas te krap. In n tas sonder ‘n plat oppervlak, sal hulle moet soek om iets te kry