Dié man gesoek in verband met moord op Modimolle-vrou

Morris Maripa (Foto: Verskaf)

Die polisie is op die spoor van ’n man wat voorheen by Trudie Grebe (73) gewerk het voordat sy sowat ʼn week gelede dood langs haar huis in Modimolle in Limpopo aangetref is.

Kol. Moatshe Ngoepe, woordvoerder van die polisie, het Donderdag gesê ʼn voorlopige ondersoek toon Morris Maripa is die dag van Grebe se moord opgemerk waar hy glo die oorledene se perseel verlaat het.

Maripa was voorheen ʼn werknemer van Grebe. Sy het haar eie onderneming waar sy honde gebad en geskeer het tuis bedryf.

Maroela Media het vroeër berig ʼn besoeker het verlede Vrydag op Grebe se liggaam langs haar huis afgekom.

Grebe is vermoedelik met ʼn stomp voorwerp oor die kop geslaan en sy het ook verskeie steekwonde aan haar kop, nek en hande opgedoen.

Die polisie doen nou ʼn beroep op Maripa om hom by die naaste polisiestasie aan te meld om die polisie by te staan in hul moordondersoek.

Enigiemand met inligting omtrent die moord word versoek om speursers. Amanda Rossouw by 071 133 8524 of Stop Misdaad by 08600 10111 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
Willehond

Mnr maripa moet hom asb by die polisie kantoor gaan aanmeld?????? Ek lag my n papie!!! O ja, nou onthou ek, die polisie soek nie meer die misdadigers nie. Die publiek moet maar!

Arno Scheepers

Nog n bewys, moenie die “mense” op jou perseel toelaat nie.
Hulle GAAN moor en roof. Dit is wat hulle is

Ig

Polisie doen n beroep op hom om hom aan te meld, what a joke, hy is lankal nie meer in die omgewing nie

JohanR

Kan nie verstaan nie! Polisie rekrute kry blykbaar wonderlike opleiding in die polisie
kolleges, en ‘n trotse uitgangsparade. Wat gebeure na die tyd dat hulle soe nutteloos word?

Charles

Waar en wat is Modimolle?
Help asb!