Dié organisasies wil ook wysigings van Vuurwapenwet teenstaan

Argieffoto (Foto: MikeGunner/Pixabay)

Action Society en Dear South Africa (DearSA) het weereens ’n vennootskap gesluit om die publiek se insae rondom die wysigingswetsontwerp oor Vuurwapenbeheer te versamel en aan die staat voor te lê. Die vennootskap volg na die minister van polisie, Bheki Cele, se aankondiging die afgelope naweek dat die wysigingswetsontwerp impliseer dat Suid-Afrikaners voorts nie vuurwapens vir selfverdediging mag besit nie.

“Om die deelnameproses te vergemaklik het ons besluit om soos in die verlede ons kragte saam te span,” sê dr. Rineé Pretorius, woordvoerder van Action Society. “Hierdie is ’n belangrike geleentheid vir jou as individu om te help verseker dat alle Suid-Afrikaners die reg tot selfverdediging behou. Ons wil daarom die publiek aanmoedig om aan die eenvoudige proses deel te neem.”

Suid-Afrikaners het tot 4 Julie tyd om hul insae ten opsigte van die wysigingswetsontwerp oor Vuurwapenbeheer te lewer. “Ons rig ’n dringende versoek aan alle Suid-Afrikaners om hul insae te lewer voordat hierdie verregaande wetgewing, wat ons van die reg sal ontneem om onsself te beskerm, aanvaar word,” sê Rob Hutchinson, besturende direkteur van DearSA. “Die publiek kan hulle misnoeë gaan aanteken by www.dearsouthafrica.co.za/firearm-control-2021/.”

Action Society is veral bekommerd oor die impak wat dié wysiging op die voortgesette geweld teen magtelose vrouens en kinders in Suid-Afrikaanse gemeenskappe gaan hê. “Action Society sal aanhou om vir die beskerming van basiese regte, soos vervat in die Suid-Afrikaanse Grondwet, te veg. Dit sluit die reg in tot die beskerming van jou eie lewe – met ʼn vuurwapen vir selfverdediging. Indien ons oor die volgende twee weke ons stem laat hoor, kan ons alle Suid Afrikaners se reg tot selfverdediging, die beskerming van ons geliefdes en ons reg tot lewe te verseker,” sluit Pretorius af.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Pieter

Julle moet nie net gaan vir die selfverdediging voorstel nie , aantal wapens wat besit mag word, herlaai van amunisie, en al die ander moet ook laat vaar word.

Persheks Adri

Ons het grondwetlike regte hoedeman! Jou mense verloor vuurwapens nie ons eerlike burgers nie. Aansoeke is so vêr agter dit lyk of hulle voor is!

Strandloper

Het die mislukking van n cowboy nou mal koeie siekte?

Herman

Mag ‘n polisiebeampte hom/haarself verdedig met ‘n vuurwapen? Is die voorgestelde wet ook op die polisie van toepassing? Ek twyfel.

SjN

Hoedeman, jy en jou comrades is onbevoeg, konsentreer eerder op misdaad.