Dié paaie in Pretoria gesluit oor die naweek

Die ryvlak tussen Loisstraat en January Masilela sal gesluit wees.

Die Tshwane-metropolisie het motoriste gewaarsku dat Atterburyweg in Pretoria dié naweek tydelik gesluit sal wees.

Albei paaie tussen Loislaan en January Masilela-rylaan sal gesluit wees vir verkeer op Saterdag 19 Augustus tussen 06:00 en 18:00 en weer op Sondag 20 Augustus tussen 06:00 tot 18:00.

Motoriste wat in ʼn westelike rigting vanaf January Masilela-rylaan ry, sal steeds toegang hê tot Plantland en beide Engen-garages. Motoriste kan ook in dié rigting omdraai en in die ander rigting terugry in January Masilela-rylaan.

Dié sluiting is om die hervestiging van oorhoofse kraglyne te verseker en ten einde plek te maak vir die oprigting van die brugkonstruksie wat reeds by die nuwe Dallas Road-wisselaar begin het. Geen kragonderbrekings word tydens die hervestiging in die Menlyn-omgewing verwag nie.

Ompadborde sal opgerig word om die verkeer te bestuur. Die Tshwane-metropolisie sal ook help met die regulering van verkeer by die kruisings.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

willie ·

Nadat Afriforum die saak teen die Metro se naamsveranderinge gewen het, word die nuwe vreemde name nog steeds in beriggewing erken! Baie teleurstellend!

Johan ·

Die straat name is wel verander. Selfs op die padkaarte word die nuwe name gebruik.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.