ʼn 66-jarige man is Sondag in hegtenis geneem in verband met ʼn spoedoortreding op die N12 in Alberton in Gauteng.
Die man het glo teen 168km/h in ʼn 120km/h-sone gery.
“Hy het beweer hy het só vinnig gery omdat hy ʼn pastoor moes gaan oplaai, en hy wou nie hê die pastoor moet laat wees vir sy diens nie,” het hoofsupt. Wilfred Kgasago, ʼn woordvoerder van die Ekurhuleni-metropolisie, gesê.
Die man is omstreeks 07:10 in hegtenis geneem. Hy is na die Alberton-polisiestasie geneem en later op R1 000 borgtog vrygelaat. Die man moet binnekort in die Palm Ridge-landdroshof verskyn op ʼn aanklag van roekelose of nalatige bestuur.
Onthou tog ook net, liewers laat as nooit.
Ja, kom ons oortree die 5de Gebod sodat menslike skedules nagekom kan word.
Die 5de gebod? “Eer jou vader en jou moeder”?? Dit maak nie sin nie. Bedoel jy dalk die 9de een, “moenie jok nie”??
Ditsem ! vat hulle vas en sluit hulle toe.
Oom jy rock jy moes 200 km gery het..spoed is leke man
Hie hie dit is ‘n lekker verskoning ek moet daai een volgende keer gebruik…ek moet sê spoed was nog altyd vir my ‘n groot lekkerte, maar ek weet mense sal dalk kla en kerm…wees eerlik ons almal ry soms te vinnig en is net gelukkig as ons nie gevang word nie.