Dié staatsrede Ramaphosa se ‘rubikon-oomblik’

Pres. Cyril Ramaphosa. (Foto: Elmond Jiyane/ GCIS

Pres. Cyril Ramaphosa sal volgende week sy staatsrede lewer en volgens die DA sal dit sy rubikon-oomblik wees.

“Die pad wat Ramaphosa in sy staatsrede vir Suid-Afrika kies, sal sy nalatenskap definieer,” het John Steenhuisen, DA-leier, gesê.

FW de Klerk het op 2 Februarie 1990 die ontbanning van die ANC, SAKP en ander organisasies aangekondig en volgens Steenhuisen sodoende Suid-Afrika se “herstelknoppie” gedruk waarna ʼn era van politieke vryheid ingelui is.

“Ekonomiese vryheid het egter nie gevolg nie en in plaas daarvan het die getal werkloses van 3,7 miljoen tot 10,3 miljoen toegeneem. Dit is ʼn reuse- nasionale krisis en die ergste lê nog voor met Eskom wat in die doodspiraal van die SAL [Suid-Afrikaanse Lugdiens] volg, gehawend deur ʼn korrupte, onbekwame staat. Ons ekonomie is op die rand van ineenstorting.”

Volgens Steenhuisen het plundering, reddingsboeie en wanbestuur staatskuld buite beheer laat tol en tog hou die regering aan om amper R1 000 miljoen meer per dag te bestee as wat hy verdien.

DA-leier John Steenhuisen. (Foto: Armand Hough/ANA)

“Dit is die rede waarom mense se eiendom, pensioene en inkomste geteiken word, wat tot gevolg het dat al hoe meer kapitaal en vaardighede landuit gaan. Suid-Afrika benodig dit dat die herstelknoppie dringend weer gedruk word.”

Steenhuisen sê dít moet lei tot strukturele hervorming – ʼn radikale verandering aan die “spelreëls”.

“Die DA is nie alleen in sy beroep vir hierdie verandering nie. Die minister van finansies, Tito Mboweni, het verlede maand gewaarsku: ‘As jy nie diepgaande strukturele ekonomiese hervormings kan bewerkstellig nie, dan is dit verby.’”

Volgens Steenhuisen staan Ramaphosa voor ʼn kruispad.

“Hy kan aanhou huiwer oor beslissendheid en aanhou om volgens die huidige reëls van die spel te speel – waarin die regering ʼn al hoe groter rol in die ekonomie speel en ‘transformasie’ bereik deur swart ekonomiese bemagtiging, gelyke indiensneming, onteiening sonder vergoeding en politieke patronaatskap – of hy kan die spelreëls verander om private ondernemings en ondernemerskap te laat ontluik.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Leon

Moenie bekommerd wees nie. Ace Magashule en sy trawante sal weer vir Cyril sê dat hy moet onthou die ANC is belangriker as stabiliteit en ekonomiese vooruitgang en werkskepping en om korrupsie te teiken en om staatskapers te vervolg. ulle sal vir hom mooi laat verstaan dat die ANC is belangriker as krag en paaie en huise en hulle will plase hê en hy moet sorg dat hulle spogplase verniet kry sodat hulle dit kan laat tot niet gaan. En Jessie sal dit alles beaam.

SwartBees

Elke jaar is dieselfde….Die verspotte klere, die verspotte gedrag en al die lieg stories wat gebrabbel word.

Wilhelm

Ag asseblief… enige iemand wat dink Cyril gaan hierdie jaar die land probeer reg ruk ?

marius

Dit is ‘n gekrapte plaat wat vashaak op ‘n begrafnis gekerm …

Michiel

Solang jy witmense logika toepas bereik jy niks.
Die enige, strukturele oplossing is ons eie landje, so klein soos Swaziland is al genoeg.
Kon jy jouself in 1960 voorstel dat 30 jaar later in 1990 terroris Mandela vrygelaat is..?

Ons het 30 jaar nodig om ons Republiek te bou.