Die waarheid sal Coligny herbou, sê premier

Palma Papenfus (links) Kgothatso Mathamela en Miems Jones glo swart en wit kan saam werk in Coligny Foto: ANA

Coligny sal slegs deur die waarheid herbou word, het Supra Mahumapelo, premier van Noordwes, Vrydag gesê.

“Dit is ons almal se verantwoordelikheid om Coligny te herbou, en ons gaan Coligny nie kan herbou sonder om die waarheid te konfronteer dat ons mense grond nodig het en arm is nie,” het hy by ʼn openbare vergadering in Tlhabologang naby Coligny gesê.

Hy het aan die vergadering gesê hy het met die boere en wit inwoners vergader wat veiligheidskwessies aangeroer het en toegewyd is om weer die dorp te herbou.

Mahumapelo het Coligny besoek ná dae lange gewelddadige betogings waartydens minstens ses huise en drie vragmotors afgebrand is, terwyl winkels ook geplunder is en die dorp tot stilstand gekom het.

Geweld het op 24 April uitgebreek nadat die 16-jarige Matlhomola Jonas Mosweu gesterf het. Twee boere, Pieter Doorewaard (26) en Phillip Schutte (34) beweer hulle het Mosweu en ʼn vriend gevang nadat hulle sonneblomme gesteel het en hom agter op ʼn bakkie gelaai. Hulle wou hom by die polisie gaan aflaai. Mosweu het egter na bewering van die bakkie afgespring toe hulle om ʼn draai stadiger gery het, en hy het sy nek gebreek en later in die hospitaal gesterf.

ʼn Ooggetuie het egter aan die polisie gesê Mosweu is van die bakkie afgestamp.

Inwoners het op ʼn plundertog gegaan en die inhegtenisneming van die twee mans geëis. Eiendom, wat hoofsaaklik aan die wit eienaars van die dorp behoort, is beskadig en verwoes.

Die betogings het opgehou nadat die twee mans hulself op 25 April aan die hof oorgegee het, maar gewelddadige betogings het weer opgevlam toe die mans op 8 Mei vrygelaat is op borgtog.

Supra Mahumapelo, premier van Noordwes (12 Mei 2017) Foto: ANA

Mahumapelo is self ook daarvan beskuldig dat hy geweld aangehits het by Mosweu se begrafnisdiens op 7 Mei. Hy het aan die roubeklaers gesê Mosweu is dood aan die hande van twee wit mans en die hof moet ondersoek hoe hy dood is.

Mahumapelo het Vrydag aan die gemeenskap gesê hy trek nie sy woorde terug nie, want volgens hom het hy nie die wet oortree nie.

Die premier is Vrydag goed ontvang in Tlhabologang toe hy aangekondig het dat ʼn “skoonmaakseremonie” Saterdag gehou word waartydens beeste geslag sal word.

Inwoners van Coligny het egter met gemengde gevoelens gereageer op ʼn voorgestelde versoeningsprogram in die dorp.

Kgothatso Mathamela, een van die inwoners, het gesê dit is nog te vroeg om oor versoening te praat. “Die diep wonde is nog nie gesond nie. Mense het nog baie seer.” Sy meen Doorewaard en Schutte moes nooit op borgtog vrygelaat word nie.

Pamla Papenfus, ook ʼn inwoner, hou vol die dorpie is nie rassisties nie. “Ek loop alleen van die dorp na die informele nedersetting (Tlhabologang). Ek was nog nooit aangeval nie. Swart mense groet my en bied aan om saam met my te loop. Daar is geen rassisme in Coligny nie,” het sy gesê. Sy het gesê die reg moet sy gang gaan wat betref Doorewaard en Schutte. “As hulle skuldig is, moet hulle tronk toe gaan. As hulle lieg, dan sal God hulle straf,” het sy gesê. Volgens haar is versoening moontlik in die hof en die wet moet gelyk toegepas word. “Diegene wat huise afbrand moet in hegtenis geneem word. Wanneer ʼn swart persoon ʼn wit persoon doodmaak, dan gaan die wit mense nie en brand hul huise af nie.”

Die vakbondfederasie Cosatu in Noordwes het gesê rassisme is volop op plase rondom Coligny. “Rassisme is volop in Coligny en ander dele van Noordwes. Plaaswerkers word aangeval en uitgesit sonder dat die Wet op Arbeidsverhoudinge gevolg word,” het Job Dliso, provinsiale sekretaris van Cosatu, gesê.

Die Ekonomiese Vryheidsvegters (EFF) het gesê daar sal geen versoening wees sonder berou nie.

Lees alle vorige berigte oor Coligny op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Michael

Dit is ‘n goeie gebaar maar die wet moet gehoorsaam en gerespekteer word help nie onskuldige mense se huise word gebrand en die premier hits die huidige bevoordeelde inwoners aan om die huidige benadeelde mense te antagoneer nie.

humor

Wonder hoeveel onse is in sy pond.

Jordaan

Ek het ook grond nodig, daarom werk ek my in die grond om my verband te betaal.

Rentia

Ek wil ook grond he!! Ha ha ha weet net nie wat ek daarmee gaan maak nie. Ek het hoogste respek vir mense wat iets kan maak van n stuk grond. Nie almal kan boer nie! Word wakker. Wat word van die grond wat uitgedeel word. Net n bar stuk aarde bly oor. Wat n vermorsing van ons ALMAL se land.

al

Riaan Malan, ñ erkende joernalis het in News 24 n paar dae terug ñ in-diepte verslag oor Coligny geskryf van ñ misterieuse man wat gemoedere aangehits het ens. Is as ñ verraaier uitgeskel deur 1 van ons mede landgenote as ñ verraaier – sy in diepte verslag het my vermoede bevestig dat die dorp se geweldadigheid ñ politieke kleurtjie het.