Dié wat oefen, minder siek weens Covid-19 – studie

‘n Gesondheidswerker sien om na ‘n Covid-19-pasiënt. (Photo by MIGUEL RIOPA / AFP)

Nuwe navorsing wys dat gereelde oefening die voorkoms van erge Covid-19-simptome aansienlik verminder en selfs sterftes kan verhoed. Die navorsing is deur Discovery Vitality in samewerking met die Witwatersrand‑sport‑ en gesondheidsnavorsingsgroep gedoen en is in die Britse joernaal vir sportsmedikasie gepubliseer.

Die studie is gedoen deur Discovery Vitality-lede wat met Covid-19 gediagnoseer is, se fisieke aktiwiteite te ontleed. Dit het bevind dat lede wat selfs net tot ’n mate aktief is, minder ernstig siek word aan Covid-19, as dié wat glad nie aktief is nie. Dit geld selfs vir diegene wat diabetes, hipertensie en chroniese renale wanfunksie onder lede het.

Luidens die studie se bevindings het lede wat die hoogste vlak van fisieke aktiwiteit beoefen (meer as 150 minute van matige fisieke aktiwiteit per week) ʼn 34% kleiner kans om weens Covid-19 in die hospitaal opgeneem te word. Indien hulle wel opgeneem word, het hulle ʼn 41% kleiner kans om in ʼn hoësorgeenheid opgeneem te word en ʼn 42% kleiner kans om weens Covid-19-verwante oorsake te sterf as mense wat geen oefening doen nie.

“Selfs pasiënte wat minder aktief is (tussen 60 en 149 minute van matige fisieke aktiwiteit ʼn week), het ʼn 13% kleiner kans op hospitalisasie, ʼn 20% kleiner kans om in ʼn hoësorgeenheid opgeneem te word en 21% kleiner kans om weens die virus dood te gaan,” lui die bevindings.

Dinesh Govender, uitvoerende hoof van Vitality SA, sê die tydperk van algehele afsondering wat in die eerste paar maande van die pandemie ingestel is, was ʼn tweesnydende swaard, aangesien dit die verspreiding van die virus bekamp het, maar ook tot gevolg gehad het dat mense aansienlik minder aktief was.

“In die maande onmiddellik ná die instelling van die afsonderingstydperk, het Vitality ʼn afname van 49% gesien in lede wat punte vir fisieke aktiwiteite aangeteken het, in vergelyking met 2019. Soos die afsonderingsregulasies verslap het, het fisieke aktiwiteite wel weer stelselmatig toegeneem.”

Hy sê dit bly egter ʼn bekommernis dat mense steeds nie so aktief is soos voor die pandemie nie en dat gereelde oefening saam met ander voorkomende maatreëls teen Covid-19 as bekamping van die virus bevorder moet word.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

20 Kommentare

Johan ·

So sal al die waansin al meer uitgelig word en die wat so in vrees oorreageer se gesigies al rooier word. Hoeveel vryheid was jy bereid om op te gee en by ander weg te neem vir die illusie van veiligheid? Was jy een van die mense wat jou buirman gaan aangee het omdat hy dit waag om te gaan oefen?

piet ·

Amper 6 miljoen sterftes wereldwyd en ampter 100 000 sterftes net in SA tot dusver nie genoeg vir jou nie? Om nie te praat van die miljarde rande wat dit gekos het om mense te behandel nie.

PieterJ ·

6mil / 7.6bil = 0.079% maak dit baie baie minder van n bangmaakstorie.

Papsak ·

Hierdie virus net so vrot en pateties soos die morrupte ANC hulle oefen seker om nie te vrek nis

marius ·

In plaas van “Drive Through ” stop hulle nou voor die kitskots plekke …..

Manie ·

Nee hierdie ondersoek is gedoen om ‘n sekere uitslag te hê. Ek ken mense wat matig geoefen het tot fiksheids fanatiese atlete wat dood is as gevolg van Covid.

VaalDonkie ·

En dan moet jy sien hoe lyk EK, en ek het Delta oorleef sonder om die binnekant van ‘n hospitaal te sien. (ek was wel lekker siek, moenie ‘n fout maak nie).

VaalDonkie ·

My huis verf besigheid het ‘n studie gedoen en bevind dat mense wat in nuut-geverfde huise woon ‘n 38% beter kans het om nie ernstig siek te word aan COVID nie. Julle kan my bel vir ‘n kwotasie by 0800123456

Piet ·

Ek is onder die indruk dat as jy ‘n vitality lid is, MOET jy aktief wees — oefen…

VaalDonkie ·

Daar’s ander goetertjies wat jy ook kan doen. Soos om by sekere winkels te koop. En jy hoef eintlik NET ‘n gym-lidmaatskap te he en so een of twee keer per maand die kaartjie te gebruik. Selfs al gaan drink jy net koffie by die gym. So ja oukei.

VaalDonkie ·

Nee jy moet net by die gym opdaag so nou en dan. Niemand kyk of jy by die koffiekroeg of die gewigterakke rondhang nie.

Alex ·

Twak twak twak! My swaer en vriende wat ek het is almal super fiks en hulle was die hardste geslaan. My skoonma het diabeties en bly in by my swaer hulle. Sy het dit baie lig gehad. Sy het ook op die ou einde vir hulle gesorg, terwyl hulle 3 weke lank plat geslaan was met Covid19.

VaalDonkie ·

Ek wens die sogenaamde “hooggeleerdes” wil besef dat dit nie die virale infeksie is wat dodelik is nie, maar wel ‘n allergiese reaksie wat plaasvind nadat die virus alreeds dood is. Jy kan so fiks of vet wees as wat jy wil, maar dit gaan hoogstens bepaal hoe vinnig jy die virus uit jou liggaam kry. Niemand weet nog wat bepaal hoe erg jy gaan reageer op dag 8 nie. Ja, daar is ‘n korrellasie tussen bloeddruk en diabetes teenoor hoe sleg dit gaan met jou, maar dis nie die oorsaak nie. Hulle sal moet dieper delf. Ek is byvoorbeeld lekker oorgewig, maar ek het Delta slegs as ‘n rowwe griep ervaar. Ek was na twee weke weer terug na normaal met net ‘n ou hoesie wat nie wou weggaan nie. Maar hy het darem mettertyd weggegaan. Maar ook darem bygese: ek was 39 jaar oud, en nie 70 soos 90% van die mense wat aan COVID sterf nie. En ons moet dit ook onthou: die volstrekte meerderheid sterftes is onder mense bo 60. Die lyntjie begin eers te lig hier by 45 se kant.

Marius ·

Ek wil net weet hoekom Discovery nou redelik onlangs al sy werknemers verplig het om die inentings te neem? Hoe oefen jy met ‘n masker as jy die hele tyd stikstof in plaas van suurstof inasem? Net ‘n twee gat jakkals kan op twee stoele sit.

VaalDonkie ·

Dit gaan alles net oor hoe awesome jy op LinkedIn lyk.

Emile ·

Ek het geen tyd vir Drakoniese Maatskappye soos Discovery nie, en nog minder tyd vir hulle statistieke

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.