ʼn 18-jarige is Sondag in ʼn bad betrap nadat hy by ʼn onderneming in Eldoradopark in Johannesburg ingebreek het.
“ʼn Verdagte is in hegtenis geneem op aanklag van sakeroof terwyl hy by die toneel gebad het,” het kapt. Phillemon Khorombi, woordvoerder van die polisie in Gauteng, gesê.
Die tiener het glo by ʼn kitskosrestaurant ingebreek en ʼn onbekende bedrag kontant en koeldrank gesteel. Hy het toe in die veiligheidswag se kamer, wat by die restaurant geleë is, gaan bad.
ʼn Saak is op 17 Oktober teen dieselfde jeugdige aanhangig gemaak vir huisbraak en diefstal. Al twee sake word ondersoek.
hahaha, ten minste n sindelike dief.
Hahahaha hy het seker maande laas gebad!! Ten minste gaan hy skoon tronk toe, al is dit net vir ‘n rukkie.
Wat soek hy alweer buite die tronk, as hy in hegtenis geneem was op 17 Oktober????
Hy wou n skoon gewete he.
Seker maar dwelms se skuld,ten minste hou hy van WAS / SKOON wees. Sy straf sal seer sekerlik 10maande wees, dit is wat jy kry vir moord.