Ernstige oorstromings by die Springfield-dierebeskermingsvereniging (DBV) in KwaZulu-Natal het daartoe gelei dat diere Dinsdag in die vroeë oggendure uit hul hokke gered moes word.
Luidens ’n kennisgewing op dié DBV se Facebook-blad is die oorstromings deur ’n oorloop van die Umgeni-rivier veroorsaak.
“Dit het tot gevolg gehad dat nooddienspersoneel 02:00 reddingsoperasies moes uitvoer.
“Diere is veilig van oorstroomde hokke na droë, veilige hokke verskuif. Danksy hierdie dapper personeellede is geen diere beseer nie.”
Die DBV is tans sonder kragtoevoer en het dringend droë komberse en kos vir hul diere nodig. Die DBV se kliniek en winkels sal ook tydelik gesluit wees.
Skenkings kan by die DBV by Willowfieldsingel 2 in Springfieldpark of Edgelyweg 127 in Parkhill afgelaai word. Skenkings kan ook by www.spcadbn.org.za/donate.php gedoen word.
En as die diere in die natuur was sou daar nie ‘n probleem wees nie!!
Dis die DBV… m.a.w. honde n katte
Friedrich jy het seker nou nie mooi gedink nie. So honde en katte en huis diere wat by SPCA is moet is die natuur wees?
Ja Friedrich, ek is seker die arme honde en katte sou droog en gevoer gewees het in die natuur!
Goeie werk mense. Dankie vir julle onbaatsugtige toewyding.