Dieretuin-staking verby

Die Nasionale Dieretuin in Pretoria. Argieffoto: Phillip Bruwer

Die staking by die Pretoriase dieretuin het Dinsdag tot ʼn einde gekom.

Craig Allenby, woordvoerder van die dieretuin, het in ʼn verklaring bevestig die dieretuin en werknemers verbonde aan die National Trade Union Congress (NTUC), wat op 8 Julie begin staak het, het ʼn ooreenkoms onderteken en die staking is beëindig.

“Die dieretuin en NTUC het ooreengekom om die staking te beëindig en werknemers sal Woensdag terugkeer werk toe. Die besonderhede van die ooreenkoms sal met die dieretuin se werknemers, wat nie gestaak het nie, en ander belanghebbendes bespreek word,” het Allenby verduidelik.

“Die dieretuin bedank die lede van die publiek vir hul ondersteuning tydens hierdie periode en ons betuig ook ons waardering vir die vrywilligers wat die organisasie bygestaan het.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae