Diesel-klerewinkel in Kaapstad aan die brand gesteek

Die foto is deur die verbruiker @JiyaadSamaai op Twitter gelaai.

Die foto is deur die verbruiker @JiyaadSamaai op Twitter gelaai.

ʼn Man het Dinsdagoggend glo die Diesel-klerewinkel in Cavendish Square-winkelsentrum in Claremont, Kaapstad, aan die brand gesteek.

Kapt. Frederick van Wyk, ʼn polisiewoordvoerder, het aan Sapa gesê die man het die winkel betree, brandstof op die vloer gegooi en dit aan die brand gesteek.

Volgens Van Wyk kon die personeellede daarin slaag om ongedeerd uit die winkel te kom.

“Veiligheidsbeamptes het die verdagte aangekeer nog voordat hy uit die winkelsentrum kon ontsnap,” het Van Wyk gesê.

Die motief vir die aanval is nog nie bekend nie. Die polisie ondersoek ʼn saak van brandstigting.

Wilfred Solomons-Johannes, ʼn woordvoerder van die stad se rampsbestuurseenheid, het aan Maroela Media bevestig ʼn brand het omstreeks 09:30 in die winkel uitgebreek. “Oormatige hitte van die brand het veroorsaak dat die vertoonvenster gebars het,” het Solomons-Johannes gesê. “Die brand is egter gou deur die winkel se sprinkelstelsel geblus.”

Die stad se brand- en reddingsdienste het die toneel beveilig, en geen beserings is aangemeld nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Kitsie ·

Wanneer word bls 3 se berigte van 13 & 14 April vervang ?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.