Dieseldampe laat bye dwaal

Foto: Wikipedia

Foto: Wikipedia

’n Studie oor die invloed van dieseldampe op die reuk van blomme wat deur heuningbye besoek word, het gewys dat dié gasse, wat van motors, vragmotors en kragstasies afkomstig is, die reuk van plante só verander dat dit bye op ’n dwaalspoor laat.

Navorsers van die Universiteit van Southampton, het bevind dat sommige voedselbedrywe deur hierdie verskynsel bedreig kan word, aangesien die bye hoofsaaklik op hul reuksintuig staatmaak om blomme vir nektar (en gevolglik bestuiwing) te besoek. Die dieseldampe wysig die reuk van die plant só drasties dat die bye die blomme in sommige gevalle glad nie eers kan opspoor nie. Dit belemmer dan die bestuiwing van die plante, wat die aanwas daarvan kan laat verminder.

Luidens die studie, wat in die Nature Scientific Reports-joernaal bekendgestel is, is nagenoeg 35% van die wêreld se voedselgewasse van bestuiwing deur bye afhanklik. Die studie het ook bevind dat bye se voortbestaan ook deur die gasse bedreig word, aangesien die bye minder nektar kan opspoor om na hul nes te neem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Vas Vat ·

En die mensdom stoomroller voort, ten koste van die natuur.

Praat Saam ·

Vas Vat nou moet hulle alle kragstasies nou afsit en alle voertuie verban? Nie baie slim nie is dit?

Vas Vat ·

praat saam, het jy n ander voorstel ? wil vir my voorkom jy is n genie. Wag vir jou voorstel…

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.