Dis-Chem het pryse tot met 261% verhoog

Argieffoto

Die Mededingingskommissie het Donderdag gesê Dis-Chem sal vervolg word vir buitensporige prysverhogings tydens die nasionale ramptoestand.

Die kommissie het Dis-Chem Pharmacies Bpk verwys na die Kompetisietribunaal ná ʼn ondersoek bevind het die maatskappy het buitensporige pryse gehef op noodsaaklike higiëniese goedere tot nadeel van klante en verbruikers in oortreding van artikel 8(1)(a) van die Wet op Mededinging.

Sipho Ngwema, woordvoerder van die Mededingingskommissie, het gesê buitensporige pryse is onder andere gehef op gesigmaskers. “Die kommissie het sedert 28 Maart verskeie klagtes van die publiek ontvang van verskeie Dis-Chem-takke oor die pryse van gesigmaskers,” het hy verduidelik.

“Die kommissie het bepaal dat, voor die ramptoestand aangekondig is, het Dis-Chem die drie betrokke tipes gesigmaskers verkoop teen laer pryse.”

Die gemiddelde prys in Februarie 2020 vir gesigmaskers (blou) 50PC was R43.47 (BTW uitgesluit) en dit is in Maart 2020 vir R156.95 (BTW uitgesluit) verkoop – ʼn verhoging van 261%.

Die gemiddelde prys in Februarie 2020 vir gesigmaskers 5PC was R13.27 (BTW uitgesluit) en dit is in Maart 2020 vir R19.03 verkoop – ʼn verhoging van 43%.

Dis-Chem se insetkoste vir Foliodress-gesigmaskers (blou) het nie verhoog nie, maar hul winsmarge het van 20% in Februarie 2020 gestyg tot 45% in Maart 2020.

“Persone wat dié noodsaaklike produkte verkoop moet besef dat dit tans letterlike lewensnoodsaaklike produkte is. Uitbuiting moet nie plaasvind nie en hulle moet nie voordeel probeer trek uit klante tydens die ergste tyd in ons geskiedenis nie,” het Tembinkosi Bonakele, kommissaris, bygevoeg. “Ons sal geen steen onaangeraak laat om die verbruiker te beskerm nie.”

Die kommissie het die tribunaal versoek om ʼn maksimum boete teen Dis-Chem te hef.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Debbie

Sies Dis-Chem! Dit is reg. Dit is laakbaar om mense in so ‘n moeilike tyd uit te buit. Veral laakbaar om mense op noodsaaklike items uit te buit.

Piet

Swak..
Een man se dood is n ander se brood.. In die geval vind ek die smaak uiters bitter.

Mellie

Shame on you, Dischem!

Niklaas

Hulle is nie die enigste nasionale firma wat dit doen nie! Supermarkgroepe raak ook skuldig hieraan.

Deon

Die mense moet hulle kwitansies vat en hulle geld gaan terug vra…. Oh ja amper vergeet ek nou, dan score die regering niks… So die verbruiker betaal sommer die boete ook.. Knap gedaan