Diskriminasie: Solidariteit gaan regering by VN aankla

Morné Malan. Foto: Mia Slabbert

Solidariteit gaan ʼn klag van rassediskriminasie teen die Suid-Afrikaanse regering by die Verenigde Nasies se komitee vir die uitwissing van alle vorme van rassediskriminasie (CERD) aanhangig maak. Solidariteit wil met dié klag normale rasseverhoudings en gelykheid voor die reg van die regering eis. Dié klag sal gepaardgaan met ʼn veldtog waartydens Suid-Afrikaanse burgers die geleentheid sal kry om hul persoonlike ervaring van rassediskriminasie te deel.

Volgens Morné Malan, Solidariteit se strategiese spesialis, ignoreer die regering al jare lank die norme, waardes en regte van alle rasgroepe. “Rassediskriminasie is onaanvaarbaar en dit word wêreldwyd veroordeel. In Suid-Afrika is blatante rassediskriminasie en -klassifikasie egter steeds ʼn alomteenwoordige werklikheid terwyl die res van die wêreld na meer verdraagsaamheid en vrede tussen groepe streef,” sê Malan.

Dié klag volg ná Solidariteit verlede week in die Noord-Gautengse hooggeregshof in Pretoria is om te vra dat die rassemaatstaf waarvolgens finansiële hulp deur die departement van toerisme aan klein, mediumgrootte en mikro-ondernemings (KMMO’s) toegeken word, hersien  word. Die hof het bevind die departement mag ras as maatstaf gebruik in die toekenning van finansiële hulp.

Malan sê Solidariteit se besluit om die regering se rassediskriminasie aan die groot klok te hang, is egter nie gegrond op dié hofsaak nie. Hulle het al lank voor dié hofsaak besluit om stappe teen die regering te doen.

“Hoewel dié onlangse hofsaak teen die departement van toerisme die jongste en grofste vorm van die regering se rasse-ideologie is, bou Solidariteit al ʼn paar jaar lank aan die veldtog om uiteindelik dan by die hoogste owerhede ter wêreld die regering hiervoor aan te kla. Ons is nou al geruime tyd bewus van die ANC se afgryslike rasse-ideologie,” sê Malan.

Volgens Malan gaan hulle met dié veldtog die minderheidsgroepe wat diskriminasie eerstehands ervaar ook betrek. “Ons beoog om mense ʼn geleentheid te bied om hul ervarings van rassediskriminasie te deel en só insette te lewer tot ons klag. Ons wil op dié manier mense ook ʼn stem gee.”

Malan sê hulle beoog om die klag later vanjaar in te handig wanneer CERD weer klagte aanvaar.

Maroela Media het vroeër die week berig AfriForum en Solidariteit se regsverteenwoordigers het Maandag hofstukke ingedien en die Konstitusionele Hof direk genader met ’n appèlaansoek teen die uitspraak van die hooggeregshof. Malan sê die hofsaak gaan moontlik nog binne die volgende tien dae plaasvind.

“Die regering beveel almal om hul deure te sluit, maar finansier en help dan slegs dié wat aan hul rassevereistes voldoen,” meen Malan.

Malan sê Solidariteit gaan ʼn klag by CERD indien ongeag wat die Konstitusionele Hof binne die volgende tien dae beslis. “Dit beteken nie die hofsaak is nie belangrik op sigself nie. Dit is bloot ’n dringende aksie ter wille van broodnodige hulp aan mense,” sê hy.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Frans

99% wit in my company van nou af dankie vir Covic 19 ons wit mense se oe het oop gegaan en gaan oop bly maki saak wat gebeur nie

Willem

My seun se onderneming gaan nou net wit seuns indiens neem

Jacobus

Oppas, die VN is gepak met “ons” tjomme.

Barbara

Wel ek hoop jul kom reg. Al wat ons kan doen is bid vir ons wittes in Suid Afrika.

Michael 1

Dit het ook tyd geword dat ons ons eie huise begin skoonmaak en naweke ons tuin in stand hou en die geld wat ons spaar onself bemagtig.