Dispuut met Discovery verklaar oor diskriminasie

Die burgerregte-organisasie AfriForum het ’n dispuut met Discovery verklaar op grond van die pasgestigte Discovery Bank se voorneme om op ’n rassegrondslag teen minderheidsgroepe te diskrimineer.

AfriForum het ’n skrywe aan Adrian Gore, uitvoerende hoof van Discovery, gerig.

Dit volg nadat Discovery Bank aangekondig het swart deponeerders sal ’n 10%-aandeel in die maatskappy kry en hierdie voordeel word uitsluitlik aan swart mense gebied.

Ernst Roets, adjunk- uitvoerende hoof van AfriForum, sê dat ’n wesenlike komponent van AfriForum se 215 000 lede sake met Discovery doen.

“Ons doen in hierdie stadium nie ’n beroep op ons lede om hul sake met Discovery te staak nie, maar wel om solank ander opsies hangende die uitkoms van dié dispuut te oorweeg,” sê Roets.

Roets voeg by dat AfriForum-lede geweldig deur hierdie blatante rassediskriminasie gegrief is. “Ons leef in die jaar 2018. As Discovery hom met opheffingsprojekte wil bemoei, sal dit veel meer sin maak om byvoorbeeld in die onderwys te belê.

Adrian Gore

“Dit help nie om aan te voer dat Discovery Bank en ander afdelings (soos die mediese fonds) afsonderlike afdelings is nie, aangesien dit deel van die Discovery-groep is – tensy die ander afdelings van Discovery dan bereid is om hulle van Discovery Bank se diskriminasie te distansieer.”

Roets het gesê AfriForum sal die kwessie met Discovery opneem en aan die organisasie se lede terugvoer gee oor die uitkoms daarvan.

“AfriForum is bereid om sy lede by te staan om van mediese fonds te verander indien nodig.” Roets het gesê meer inligting oor dié veldtog sal eersdaags aangekondig word.

Talle sosialemediagebruikers het Discovery op Twitter bygedam oor die voorgestelde aandeleskema en die maatskappy daarvan beskuldig dat hy rassisties is.

“Ons visie is om ‘n finansieel sterker Suid-Afrika te bou en ons is daartoe verbind om die langtermyn transformasieteikens van die finansiëledienste-sektor te ondersteun. As deel hiervan sal van ons eerste swart kliente die geleentheid kry om deel te wees van die groei van die bank. Ons het die bank gestig met alle lede in gedagte en sien daarna uit om alle Suid-Afrikaners te verwelkom,” het Discovery in reaksie op die kritiek gesê.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

132 Kommentare

jongste oudste gewildste
Hansgat

Discovery… You brand new discriminating BRAND! Avoid it!

Anoniem- :-(

Ek is lus en gaan soek ‘n ander mediesfonds ook.

PJ

Goebai discovery

CL

Dis nie so maklik om te skuif na ‘n ander fonds nie. Daar is wagperiodes wat risiko onhou vir die lid. Discovery weet dit. So ‘n veldtog gaan nie ‘n massa uittog laat gebeur nie.

Johan Kruger

Wag periodes kan n skuif moeilik maak maar as jy n ander fonds nader en se jy kan hulle 25000 lede gee op voorwaarde dat hulle wag periodes afskaal of daarmee wegdoen dan sal hulle defnitief onderhandel