Dlamini-Zuma klaar met AU

Nkosazana Dlamini-Zuma. Foto: GovernmentZA/Flickr

Nkosazana Dlamini-Zuma. Foto: GovernmentZA/Flickr

Suid-Afrika se Nkosazana Dlamini-Zuma het glo nie aansoek gedoen om ʼn tweede termyn te dien as die voorsitter van die Afrika-Unie nie.

Jacob Enoh Eben, Dlamini-Zuma se woordvoerder by die Afrika-Unie (AU), het bevestig die spertyd vir aansoeke het Donderdag gesluit en sy het nie aansoek gedoen nie. Sy sal vermoedelik in Julie terugkeer na Suid-Afrika, wanneer haar eerste termyn eindig.

Vroeër is berig Dlamini-Zuma sal waarskynlik uittree omdat daar geen waarborg is dat sy weer verkies sal word nie en omdat sy politieke ambisies in Suid-Afrika het. Dit verwys na die vermoede wat al lankal die rondte doen dat Dlamini-Zuma haarself as kandidaat beskikbaar gaan stel om pres. Jacob Zuma, haar voormalige man, as president van die ANC op te volg tydens die party se volgende konferensie in 2017 en as president in 2019.

Daar word bespiegel sy sal opgevolg word deur die Algeriese minister van buitelandse sake, Ramtane Lamamra, ʼn voormalige AU vrede- en veiligheidskommissaris.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Komolot

Smaak al hoe meer – veral na Zuma & die ANC se spinnery gisteraan – dat Zuma 1 gaan aanbly totdat Zuma 2 terug is in SA om te kan oorvat sodat die Zuma familie se beursies vet kan bly. Lyk my die ANC kry nie die boodskap nie: SA is gatvol vir enige Zuma, Gupta & Kie!

stoffel

Die zuma word gemerk as vervangende een vir die huidige een.

Rupert Ashford

O wee….

KP

Dit sal n nog groter ramp wees as die een waarin ons huidiglik is.

humor

Hemele stort op ons neer en berge en heuwels bedek ons.