Dlamini-Zuma ontken bande met onwettige sigarethandel

Dlamini-Zuma en Mazziotti.

Dr. Nkosazana Dlamini-Zuma, minister van samewerkende regering, het bewerings deur die beweerde onwettige sigarethandelaar Adriano Mazzotti dat hulle vriende is, ontken.

Dlamini-Zuma is Dinsdag tydens ʼn parlementsitting prontuit oor haar bande met Mazzotti uitgevra deur die leier van die DA in die Nasionale Raad van Provinsies, Cathy Labuschagne.

“Ek is nie Mazzotti se vriend nie,” het Dlamini-Zuma geantwoord. Sy het gesê almal wat in Suid-Afrika die wet oortree, moet in hegtenis geneem, verhoor en gevonnis word – ook onwettige handelaars in tabak.

Dlamini-Zuma het verlede maand met die skuif van vlak 5 na vlak 4 van die afsonderingstydperk aangekondig dat die tabakverbod steeds ingestel bly. Dít nadat pres. Cyril Ramaphosa net enkele dae tevore aangekondig het dat sigarette verkoop mag word tydens vlak 4.

Ramaphosa het hierna op 13 Mei aangekondig dat groot dele van die land teen einde Mei na vlak 3 van die afsonderingstydperk kan skuif. Samesprekings het daarna begin volg en Ramaphosa het ook gesê daar sal beraadslaag word oor die verkoop van alkohol en sigarette. Ramaphosa het Sondagaand weer die land toegespreek en aangekondig dat alkohol op vlak 3 verkoop mag word, maar dat die tabakverbod steeds geld.

Die kwessie van Dlamini-Zuma se bande met Mazzotti – daar is foto’s waar hulle knus langs mekaar staan – het tydens die staat van inperking algaande meer pertinent geraak namate die verbanning van sigaretverkope beteken het rokers wend hulle al meer tot die sluikhandel in tabakprodukte.

Dlamini-Zuma saam met Mazzotti (links) en Mohammadh Sayed, bedryfshoof van Carnilinx.

Dit beteken wettige sigarethandelaars en die staatskas (weens verlies aan sigaretbelasting) verloor hul inkomste terwyl onwettige handelaars al die pad bank toe lag, sigarette se prys drasties styg en baie Suid-Afrikaners die wet begin verontagsaam en oortreders word weens die verbanning van sigaretverkope.

In hierdie verband het Dlamini-Zuma se rol as voorste strydvoerder teen wettige sigaretverkope, en die aanduidings dat Mazzotti ʼn groot borg was van haar mislukte poging om in 2017 ANC-leier te word, niemand verbygegaan nie.

Dlamini-Zuma het in elk geval geen twyfel gelaat dat sy die voorste strydvoerder teen sigarette is nie.

Sy het ʼn lang inset oor die nadele van rook gedoen toe sy gevra is oor die verband tussen rook en die koronavirus, en bygevoeg dat die staat se regspan gereed staan vir die hofsaak wat teen die grondwetlikheid en regsgeldigheid van die verbod op sigaretverkope ingestel is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

62 Kommentare

jongste oudste gewildste
Genis

Al daai gesigte spreek boekdele… skande…

Stofdonkie

So, dlamini-zuma, soos die engelse nou sou sê, put your money where your mouth is, en laat vervolg vir edward zuma en mazotti eerste. Wys ons dan jy is teen onwettige sigarette ook en nie net teen wettige sigarette sodat die onwettiges beter kan verkoop nie. Sy is so besig om haar self-geneemde mag te misbruik dat sy nie eers agterkom hoe duidelik dit is wat sy doen nie.

Willem

Alweer nie EK nie

Kobus

Wel as hulle gereed staan vir ‘n hofsaak sien ek nie dat siggies gou op die rakke gaan wees nie.
En noudat hulle ook hoor watse pryse die mense bereid is om te betaal,gaan hulle mos natuurlik die pryse hemel hoog maak die dag as ons wel weer kan siggies koop!

Nie Verbaas

Miskien glo ANC kaders haar. Geen mens met n gesonde brein wat nie intellektueel bankrot is glo dit nie.