DNS-uitslae bekend van slagoffer wie se vleis geëet is

Argieffoto

Dit is dié week bevestig dat ʼn hand en deel van ʼn been wat deur ʼn man by die Estcourt-polisiestasie aangebring is die oorskot van Zanele Hlatshwayo (25) was. Hy het gekla dat hy “moeg is om mensvleis te eet”.

Maroela Media het vroeër berig kol. Thembeka Mbhele kon nie berigte bevestig dat die deel van die been en hand wat aan die polisie oorhandig is dié van Zanele Hlatshwayo (25) is nie. Hlatshwayo is volgens die berigte verkrag, vermoor en toe geëet. “Wat ek wel kan bevestig, is dat daar DNS-monsters [van die ledemate] geneem en dit vir DNS-toetse gestuur is.”

“Ons het die gemeenskap gevra dat mense met vermiste familielede na vore moet kom. Die uitslae van die DNS-toetse is dié week beskikbaar gemaak en dit was toe Hlatshwayo. Haar gesin is onmiddellik in kennis gestel,” het Mbhele gesê.

Mbhele het ook verder bevestig die man wat in Augustus na die polisiestasie gekom het, was ʼn tradisionele geneser. Volgens mediaberigte is die mensvleis glo in opdrag van hom geëet.

Vyf mans is daarna in hegtenis geneem en het vroeër in die Estcourt-landdroshof verskyn. Die verdagtes is Khayelihle Lamula, Nino Mbatha, Sthembiso Sithole, Lindokuhle Masondo en Lungisani Magubane.

Natasha Kara, provinsiale woordvoerder van die Nasionale Vervolgingsgesag (NVG), het aan Maroela Media bevestig die verdagtes het op aanklagte van moord en sameswering om moord te pleeg verskyn.

“Aanklagte van die besit van menslike oorskot kan moontlik bygevoeg word wanneer die ondersoek afgehandel is,” het Kara gesê.

Mbhele het nou laat hoor hulle word wel ook aangekla van die besit van menslike oorskot.

Die saak is tot 28 September uitgestel vir nadere ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Bullseye

Ek kan maar net my hande saamslaan!

Magic

Gru dade …….evil!!!!
Geluk SAPD, doe so voort !

Gatvol verby

Hy lewe seker op ‘n ander planeet. Onbeskaafd.

Lynette

Hoe moet ons onseld beskerm teen hierdie tipe wesens wat nog glo dat om mensvleis as “muti” te eet, hulle gesond en sterk sal maak? ? Dis mos onmoontlik? En dan is daar nog diegene wst kwytraak dat boere meer “paraat” moet wees – absolute snert.

Andre

As hy nie na die polisie toe gegaan het nie, het hulle nou nog van niks geweet nie…