Dodetal styg in Oos-Kaapse busongeluk

Die wrak van die bus. (Foto: Verskaf)

Fikile Mbalula, minister van vervoer, het gesê die ondersoek na ʼn busongeluk Maandag in die Oos-Kaap sal bespoedig word.

Minstens 25 passasiers is dood en 62 beseer toe die bus op ʼn grondpad in Willowvale in ʼn kloof afgestort het. Die bus was van Chebe na Butterworth op pad. Die busbestuurder het vermoedelik beheer verloor oor die bus.

“Die oorsaak van die ongeluk is nog nie in hierdie stadium bekend nie,” het Mbalula in ʼn verklaring gesê. “Die padverkeerbestuurskorporasie (RTMC) sal die ongeluk ondersoek en met die polisie saamwerk.”

Mbalula het gesê dit is hartverskeurend en skokkend om só baie lewens in een ongeluk te verloor. “My innige meegevoel aan die families en die gemeenskap van Centane.”

Hy sal deur die loop van die week besoek aflê aan die families.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
jinny jualinda

En die passasiers het hom gevra om stadiger te ry. Wat het hy nou daarvan?

Leonie

Ai dis verskriklik. Die arme mense. Baie sterkte aan almal se families in die hartseer tyd.

Scalla

Frikkie, spoed was die oorsaak

jzjz05

Hoeveel mense kan die bus vat,as ek reg lees was daar 87 mense in die bus

marius

Dalk moet die man gewone klere aantrek . ‘n Pruik opsit . Sy wagte by die huis los en gaan bus ry , dan sal hy sien wat die oorsaak van die gemors op die paaie is .