Dogtertjie (2) verdrink in swembad

Argieffoto

Argieffoto

ʼn Tweejarige meisie het Dinsdag in ʼn swembad by ʼn huis in Pietermaritzburg in KwaZulu-Natal verdrink.

Russel Meiring, woordvoerder van ER24, het gesê die voorval het by ʼn huis in Andries Pretoriusweg plaasgevind.

“Daar word verneem dat die kind naby die swembad gespeel en daarin geval het. ʼn Familielid het na ʼn ruk die meisie in die water sien dryf en haar dadelik uitgehaal,” het Meiring gesê.

Paramedici en beamptes van die polisie se soek-en-reddingseenheid het omstreeks 11:15 by die huis opgedaag.

“Die kind is ondersoek en het geen teken van lewe getoon nie. Sy is op die toneel dood verklaar,” het hy gesê.

Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
oumie

Na n ruk het n familielid die kind gaan soek dammit hoe lank is n ruk o nee twee jaar oud neeeeeeeeeeeee ek is nie volmaak nie maar my kleinkinders van 8, 8 en 6 mag onder geen omstadighede gaan swem sonder toesig nie en die net bly 24/7 op swembad ek weet ongelukke gebeur maar na n ruk was n ruk net te lank RIP kleintjie

Ancara

Wat gaan met die mans aan wat die arme Pikkewyn gesteel het?Het hulle al daaraan gedink dat die Pikkewyn net die Akwaruim het as sy/hy se woonplek.Dat ander mense hom dalk gered het na n olie ramp.Het hulle al daaraan gedink dat die Pikkewyn nie sy eie kos kan vang nie.En die Akwaruim moet dit baie moeiliker maak vir mense wat sommer net diere wil steel.Ag nee hoe meer dae hoe meer gemors wat gebeur.

gulda

Kyk mense nie meer na hulle kinders nie? Veral as daar n swembad is? My genade!!Dalk moes n te jong kind na die twee jarige kyk. Dan is dit die ouers se skuld.

Liza

Liewe vader wat gaan aan met die mense dat hulle nie na hulle kinders kan kyk nie, mens los nie sulke klein kindertjies of geen kinders alleen by ‘n swembad of enige plek nie, vandag se ouers is regtig onverantwoordelik. Oumie ek stem saam my genade hoe werk dit…….besef hulle nie…. ek is so kwaad nou vir onverantwoordelike mense….

Eddie

Jammer as jy ń swembad kan bekostig kan jy ñ veilheidsnet ook bekostig wat 24/7 op jou swembad moet wees. Dis uiters nalatig.