Doodkry is min, sê Pik uit hospitaal

Pik Botha

Oudmin. Pik Botha was Vrydagoggend vol kwinkslae waar hy uit die Unitas-hospitaal in Centurion telefonies met Maroela Media oor sy hospitalisering gesels het.

Gevra hoe dit gaan, het Botha gesê: “Dit hang van die dokters af. Jy sal verbaas wees hoeveel soorte masjiene en pille en toetse en dinge hulle my gegee het. Nou moet jy maar geduldig sit en wag op die uitslae, maar orraait, ek lewe nog ná 86 jaar.”

Hy vertel hy is Woensdag opgeneem nadat sy huisdokter gereël het “om te gaan en kyk of daar nie die een of ander fout is nie. Gelukkig het hulle [nog] nie ʼn fout gekry nie”.

Botha sê hy verwag sy vrou, Ina, sal hom Vrydagmiddag kom haal. Hulle woon “teen die Magaliesberg” in die Wonderboom-omgewing van Pretoria.

Hy het darem tussen al die toetse deur ook tyd gekry om te filosofeer. “Jy weet, ʼn mens kry hier in die hospitaal die gedagte dat die dokters opgeleide mense is wat eintlik net ʼn bestaan kan maak omdat mense doodgaan.”

Maar by hom is nog geen sprake van sulke voornemens nie. “Ek gaan beslis vasbyt,” het hy Maroela Media verseker.

Botha was met ʼn dienstyd van 17 jaar tussen 1977 en sy 62ste verjaardag op 27 April 1994 een van die wêreld se langsdienende ministers van buitelandse sake. Daarna het hy twee jaar lank in die regering van nasionale eenheid as minister van mineraal- en energiesake gedien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
adriana

Bly dit gaan goed Pik!

Marius

Jy is reg hulle het lekker groot geword en ons jong mense wat nie deel van apartheid was sukkel vandag.

Karolis

Ek kyk nog altyd op na Oom Pik.
Goeie mens, ons het net nie altyd saamgestem nie.

Se wie

Nee wat gaan maar. Dit sal geen verlies wees vir ons nie.

Piet

Ja wel my pa het altyd gese as jy nie iets goeds van iemand kan se nie moet jy eerder niks se nie. Ek neem aan die wat nou so opkyk na hom het hom seker nie goed geken nie.