Doodloopstraat vir 7de Laan?

Foto: Facebook

Foto: Facebook

Die gewilde Afrikaanse sepie 7de Laan sal dalk nie Maandag (24 Oktober) na die kassie terugkeer nie weens kontrakte wat ná drie maande nóg nie deur die SAUK, wat dié program beeldsaai, gefinaliseer is nie.

Rosa-Marie Erasmus, 7de Laan-woordvoerder, het aan Maroela Media bevestig ʼn nota is aan personeel uitgestuur wat sê dat hulle “alternatiewe reëlings” moet tref sodat debietorders steeds vandeesmaand betaal kan word.

Erasmus meen die SAUK sloer al sedert Augustus met die nuwe kontrakte – 7de Laan was dus genoop om al vir minstens twee en ʼn halwe maande die personeel uit sy eie sak te betaal.

Sy sê 7de Laan kan dit egter nie verder bekostig om die personeel, onder wie akteurs en skrywers, finansieel te ondersteun nie, daarom is dit belangrik dat personeel ander reëlings tref.

Die SAUK het ook nog geen nuwe episodes van die sepie ontvang nie, en kan daarom vir die laaste keer op Vrydag 7de Laan beeldsaai indien die kontrakte nié gefinaliseer word nie.

“Daar is ʼn eerste weergawe van die kontrak opgestel, so ons weet daar is een, hy is nog net nie gefinaliseer nie. Ons is egter nog vol hoop dat die SAUK die kontrakte vandeesweek sal finaliseer, anders sal hulle derduisende kykers verloor wanneer die sepie nie Maandag gebeeldsaai word nie,” het sy gesê.

Daar is ook ʼn kans dat die span tydelik opnames sal moet stopsit. “Die akteurs en ander personeel bestuur ook hul begroting van maand tot maand. As ons hulle nie meer self kan dra nie, beteken dit hulle kan nie petrol vir hul motors bekostig en werk toe kom nie. Ons sal uiteraard tot tyd en wyl die produksie moet stopsit, maar is vol hoop dat dit nie nodig sal wees nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

86 Kommentare

jongste oudste gewildste
CAV

Geen verlies vir my. Kyk 7de laan al n geruime tydjie nie meer nie

hoe nou

Die sepie se tyd is verby. Geen nuwe storielyn om die storie die kyk werd temaak

My opinie

Diie SAUK is deel vd staatskaping. Dis presies wat hlaudi motsoeneng en sy meelopers wil hê. Weg met Afrikaans en weg met blankes en alles wat nié etnies is nie

aj

Hoop net die mense word vergoed.

Heleen

Sies SAUK sies! Julle optrede is uiters onproffesioneel.