Doodskis-video: ANC-lede gevra om nié met poppe te betoog

Betogers Donderdag (8 Desember 2016) buite die hof. Foto: Phillip Bruwer

Betogers Donderdag (8 Desember 2016) buite die hof. Foto: Phillip Bruwer

Speedy Mashilo, Mpumalanga se LUR vir behuising, het Donderdag ANC-lede wat tydens die sogenaamde doodskis-hofsaak buite die Middelburg-landdroshof betoog het, gevra om nie van wit poppe gebruik te maak nie.

Mashilo het dié beroep gedoen kort nadat die twee beskuldigdes, Willem Oosthuizen (28) en Theo Martins Jackson (29), borgtog geweier is. Maroela Media het vroeër berig landdros Jongilizwe Dumehleli het Oosthuizen en Jackson se borgaansoeke geweier en gesê hy het die beskuldigdes se persoonlike omstandighede in ag geneem in sy besluit.

Oosthuizen en Martins is in hegtenis geneem nadat hulle na bewering Victor Rethabile Mlotshwa aangerand en in ʼn doodskis ingedwing het.

ʼn Groep ANC-ondersteuners het Donderdag met twee wit poppe wat aan ʼn houtplank vasgebind is voor die hof gedans en die poppe geklap. Die betogers het gesê die poppe verteenwoordig die beskuldigdes.

Betogers op 1 Desember 2016 buite die hof. Foto: Landi Malan

Betogers op 1 Desember 2016 buite die hof. Foto: Landi Malan

Mashilo het die skare Donderdag buite die hof in sy kapasiteit as die ANC se Nkangala-streeksvoorsitter toegespreek en gesê dit is verkeerd van ANC-lede om alle wit mense in die land as rassiste te sien. Hy het die landdros bedank vir die manier waarop hy die borgtogaansoek aangehoor het. “Die landdros het ook gesê nie alle wit mense is rassiste nie,” het Mashilo gesê.

“Ons is bly dat die landdros na ons luister. Die beskuldigdes sal wel Kersfees in die tronk deurbring, maar die tronk is beter as ʼn doodskis.”

Mashilo het na ʼn ANC-lid in die skare gewys wat die twee poppe vasgehou het en hom aangesê om dit neer te sit. Die man het aan sy versoek gehoor gegee.

Thabo Mokoena, die Cosatu-sekretaris in Mpumalanga, het vroeër dieselfde skare toegespreek en gesê die federasie sal nie rus totdat die beskuldigdes skuldig bevind is en lang vonnisse opgelê is nie. “As Cosatu voel ons geregverdig. Ons is jammer vir diegene wat hulle met rassiste meng. Ons sê vir hulle, julle is dwase,” het Mokoena gesê.

Die saak is tot 25 Januarie uitgestel.

Lees alle vorige berigte oor die doodskis-video op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

29 Kommentare

jongste oudste gewildste
Jan

Hierdie is die grootste ‘sting’ wat ek nog in my lewe gesien het. Hierdie twee mans het ‘n oortreder gevang en wou hom ‘n les leer, dit het maar niks met rasisme te doene nie. Gaan kyk weer na die video, hulle het maar so gedruk-druk aan die deksel.

Die landdros het vandag vir die gehoor gepeel, dit is waar ons nou in die land is, akteurs vir regslui.

Jan

Terloops daardie paal waaraan die wit poppe vasgemaak is, lyk vir my soos die ’totem poles’ van die Amerikaanse Indiane. Daar is nou net nie gesigte op gekerf nie.

jenny

UN hoop julle hou hierdie saak dop

Niel

Ek is saam met die hele land se mense ook moeg vir eensydige sogename rasisme!! Die wat die poppe wit poppe rondswaai en klap..julle dag sal kom!!! Ek moedig ons me se aan om ook klagtes van rassisme te gaan lê indien daar enige diskriminasie teen jou is. Ons is wit en trots daarop!!

Anoniem

Dankie, Speedy.