Doodskis-video: Appèlhof sê oor borgtog

Willem Oosthuizen (voor) en Theo Martins Jackson in die hof (27 Oktober 2017) Foto: Landi Slatter

Die appèlhof het Vrydag ʼn aansoek van Theo Martins Jackson (29) en Willem Oosthuyzen (28) om op borgtog vrygelaat te word hangende hul appèlaansoek teen hul skuldigbevinding en vonnisse, van die hand gewys.

Die twee mans het hulle tot die appèlhof gewend nadat die hooggeregshof in Middelburg in Mpumalanga in Desember verlede jaar die twee mans se aansoeke om borgtog geweier het.

Die appèlhof in Bloemfontein het in Februarie vanjaar verlof aan Jackson en Oosthuyzen toegestaan om teen hul skuldigbevinding en vonnisse te appelleer. Die twee mans wou hangende die uitspraak van dié appèlsaak op borgtog vrygelaat word, maar sal nou agter tralies moet bly totdat hul aansoek aangehoor word.

Die appèlhof het Vrydag bevind gegewe die bewyse wat voor die hof gebring is en die erns van die oortredings waaraan die twee mans skuldig bevind is, is dit waarskynlik dat die mans wel tronkstraf opgelê sal word nadat die saak deur die appèlhof aangehoor is. Die hof het bevind deur die mans dus nou toe te laat om vir borgtog aansoek te doen, “sal die onvermydelike net uitgestel word”.

Volgens die appèlhof sal Jackson en Oosthuyzen, gegewe hul eie weergawe van die gebeure, minstens skuldig bevind word aan ontvoering en aanranding met die doel om ernstig te beseer. Die hof het gesê hoewel die twee mans se regspan aangevoer het dat hul kliënte uitgelok is om die oortredings te begaan, sal hierdie faktor op die meeste as ʼn versagtende faktor geag word en sal dit na alle waarskynlikheid steeds nie beteken dat die twee mans nié tronkstraf opgelê word nie.

Die aansoek is daarom van die hand gewys.

Jackson en Oosthuyzen is in 2017 gevonnis op ʼn reeks aanklagte nadat hulle Victor Mlotshwa aangerand en in ʼn doodskis ingedwing het. ʼn Video van dié opspraakwekkende voorval is later wyd op sosiale media versprei.

Oosthuyzen is in Oktober 2017 gevonnis op twee aanklagte van aanranding met die doel om ernstig te beseer asook van ontvoering, poging tot moord en intimidasie. Jackson is gevonnis op twee aanklagte van aanranding met die doel om ernstig te beseer asook van ontvoering, poging tot moord, intimidasie en dwarsboming van die gereg.

Die twee mans se vonnis is op 9 November 2017 aangepas en Oosthuyzen en Jackson is onderskeidelik tot effektief 11 jaar en 14 jaar tronkstraf gevonnis.

ʼn Datum wanneer die mans se appèlaansoek teen hul skuldigbevindings en vonnisse aangehoor sal word, moet nog vasgestel word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Se maar net

So unfair ivm ander moorde in ons land.

willie

Dit is absolute eenrigting verkeer teen die wittes in SA! Troos jou as witte die wiel draai!

Sê maar net

Dit is wat hulle spiteful noem

Nettie

Toemaar ……. laat ons onsself daaraan troos dat alle tekens wys dat die wiel besig is om te draai …… staaaaaadig, maar seker. Ons troos ons daaraan dat ons God nie slaap nie en dat die ongeregtighede wat vandag teen ons en ons mense gepleeg word, gewreek sal word. Ons blanke Afrikanernasie het hierdie land opgebou en gebring tot waar dit in 1994 was. En nou het daar maar net ‘n murasie van alles wat was oorgebly. Ons blanke Afrikanernasie was al voorheen verguis – deur die Engelse – en tog het ons die juk afgegooi, opgestaan en weer ons… Lees meer »

Oom Kalahari

Hierdie tipe van vervolgings waansin gaan nog ‘n ernstige norm aanneem om benadeling toe te pas. Was dit andersom sou daar weer net gese gewees het dat dit frustrasie van die verlede weens apartheid was en ‘n verskoning is voldoende.
Hierdie polities korrekte land laat ‘n bitter smaak.