Doodskis-video: Saak nou na hooggeregshof

Willem Oosthuizen. Foto: Landi Malan

Willem Oosthuizen (28) en Theo Martins Jackson (29), wat daarvan beskuldig word dat hulle ʼn man in ʼn doodskis gedruk het, gaan nog langer in aanhouding moet wag om verhoor te word.

Oosthuizen en Jackson het Maandag in die Middelburg-streekshof in Mpumalanga verskyn in afwagting vir hul verhoor om te begin, maar het toe gehoor die saak is tot 31 Julie uitgestel aangesien die direkteur van openbare vervolging besluit het om hulle in die hooggeregshof aan te kla.

Die twee staan tans tereg op sewe aanklagte waaronder besit van ʼn ongelisensieerde vuurwapen, twee sake van aanranding met die doel om ernstig te beseer, ontvoering, poging tot moord, intimidasie en dwarsboming van die gereg. Hulle is aanvanklik net van ontvoering en aanranding met die doel om ernstig te beseer aangekla.

Theo Jackson. Foto: Landi Malan

Die saak is na die rondgaande hof in Delmas verwys en tot 10 Augustus op die hofrol geplaas. Hulle bly in aanhouding.

Oosthuizen se prokureur, Marius Coertze wat onder meer ook vir Clive Derby-Lewis verteenwoordig het, het ná die hofverrigtinge gesê hulle oorweeg om ʼn nuwe borgtogaansoek in te dien.

Intussen het Jackson se prokureur, Christo Geldenhuys, Maandagoggend as Jackson se verteenwoordiger onttrek. Jackson word voorts deur Carel Taute verteenwoordig.

Oosthuizen en Jackson het hulle op 14 November in die teenwoordigheid van hul regsverteenwoordigers by die Blinkpan-polisiestasie oorgegee.

Dit volg nadat ʼn video verlede jaar wyd op sosiale media versprei is, waarin gesien word hoe ʼn man huil terwyl twee ander mans hom glo in ʼn doodskis indwing.

Die beweerde slagoffer, Victor Rethabile Mlotshwa, het vroeër aan die hof gesê hy het deur ʼn veld gestap toe die beskuldigdes hom voorgekeer het. Hy het gesê hy is aangerand en vasgebind en later gedwing om in ʼn doodskis te klim. Hy beweer die twee mans het voor dié voorval glo ook ʼn ander man aangerand. Die beskuldigdes het aangevoer Mlotshwa het koperkabels gesteel en hulle wou hom ʼn les leer. Hulle het gesê hulle het nie bedoel om Mlotshwa leed aan te doen nie.

Die voorval het glo op 17 Augustus naby die Komati-kragsentrale plaasgevind. Die beskuldigdes beweer egter die voorval was op 9 September.

Mlotshwa het eers vroeg in November ʼn saak by die polisie aanhangig gemaak nadat die video van die voorval op sosiale media versprei is en hy “verneder” gevoel het.

Landdros Jongilizwe Dumehleli het Oosthuizen en Jackson op 8 Desember borgtog geweier.

Lees alle vorige berigte oor die doodskis-video op Maroela Media.

‘n Skermskoot uit die video.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

41 Kommentare

jongste oudste gewildste
Johan

Daar is nie medisyne vir sulke onnoselheid nie.

Alida

MM hoekom nou weer die video wys? Dit is al miljoene kere gekyk.

Pieterlewismuts

Berge word van mils hope gemaak.

Maar molshope van berge wanneer dit by plaasmoorde kom.

Dubbelwaardes vir geregtigheid

Irene

Dis logies as jy sulke dinge in SA doen jy tweede sal kom so onnosel so moeg vir hierdie nuus

al

Gaan die plaasaanvallers ook so ñ rits aanklagtes teen hul kry?