Doodskis-video: Twee hoor dan hul lot

Betogers buite die hooggeregshof in Middelburg waar Theo Martins Jackson en Willem Oosthuizen verhoor is (25 Augustus 2017)
Foto: Maroela Media

Theo Martins Jackson (29) en Willem Oosthuizen (28), die beskuldigdes in die berugte doodskisvideo-saak, is Vrydag in die hooggeregshof in Middelburg skuldig bevind op verskeie aanklagte.

Talle lede van die gemeenskap het buite in die straat voor die hof bymekaargekom en daar was ʼn groot polisieteenwoordigheid. Verskeie informele politieke leiers het voor die hofverrigtinge hardop gebid vir “swaar en regverdige vonnisse”.

Politieke leiers het die betogers toegespreek wat plakkate rondgeswaai het met die woorde “Black lives matter” daarop gedruk. Van die ander betogers het doodskiste om hoog gehou en gedans. Daar was ook plakkate waarop ʼn kruis en foto’s van Jackson en Oosthuizen geplak is.

Die twee mans is daarvan beskuldig dat hulle Victor Rethabile Mlotshwa verlede jaar in ʼn doodskis ingedwing het. Jackson en Oosthuizen het duidelik gespanne gelyk voor die uitspraak gelewer is. Hulle het tereg gestaan op ʼn aanklag van die besit van ʼn ongelisensieerde vuurwapen, twee aanklagte van aanranding met die doel om ernstig te beseer, een van ontvoering, een van poging tot moord, een van intimidasie en een van dwarsboming van die gereg.

Regter Sheila Mpahlele het ʼn volledige, tydsame uitspraak in ʼn volgepakte hof gelewer. Sy het die twee mans skuldig bevind op aanklag van aanranding met die doel om ernstig te beseer van Mlotswha en Delton Sithole. Jackson en Oosthuizen is ook albei skuldig bevind op aanklagte van poging tot moord, ontvoering en intimidasie.

Jackson is ook skuldig bevind aan ʼn klag van dwarsboming van die gereg.

Oosthuizen het ook tereg gestaan op aanklag van die besit van ʼn ongelisensieerde vuurwapen. Hy is onskuldig bevind op dié klag.

“Ek is tevrede dat die staat hul saak op alle aanklagte behalwe dié van die vuurwapen bo alle redelike twyfel bewys het,” het Mpahlele gesê.

Die openbare galery was duidelik baie tevrede met die uitspraak.

Die vonnisoplegging vind op 23 Oktober plaas. Jackson en Oosthuizen se borgtog is nie teruggetrek nie.

“Ek hoop die gemeenskap sien die wiel van die gereg is aan die rol, vandag was nou die eerste deel, vonnisoplegging is die tweede deel. Ek hoop julle aanvaar dit so,” het Mpahlele gesê.

Adv. Robert Molokoane, staatsaanklaer, het aan Maroela Media gesê hy is baie gelukkig en tevrede met die uitspraak.

Lees alle vorige berigte oor die doodskis-video-saak op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

53 Kommentare

jongste oudste gewildste
Peeter

Waar’s die lot wanneer n boer vermoor word? Rasiste.

Mielie

As a matter of fact ALL LIVES MATTER and that include our farmers …..after all they make it possible for you to eat and work.

Toppie

Staat het bo alle twyfel bewys dat hy ernstig beseer is , maar hy wou nie aan die hof bewys van waar hy beseer is nie, shame die regter se beslissing is soos party van die skeidsregters se rugby beslissings – skokkend

Anoniem

Dit is ‘n skokkende uitslag terwyl dit ooglopend was dat hul die persoon slegs wou skrikmaak. Daar is egter geen wet in Suid-Afrika meer vir die regverdige nie. Ons lees daagliks hoe die kriminele wegkom en die onskuldiges in die tronke beland oor hul velkleur. Al wat die mannetjie ooglopend en eintlik soek is ‘n hoop geld, dan sou die beskuldiges se saak teruggetrek word.

Gatvol

Snaaks, wanneer die boere gemartel en vermoor word, is hulle tjoep stil! Rassisme uit en uit!!!